އައްޑޫ ފޭދޫގައި ކުނިއުކަން މޫދަށް ދިޔަ ބިދޭސީއަކު މަރުވެފައި އޮއްވާ ފެނިއްޖެ އެވެ.
ފުލުހުންގެ ބުނީ މިއަދު ހެނދުނު ކުނި އުކަން ދިޔަ ބިދޭސީއަކު ހަބަރެއް ނުވެގެން ހޯދަމުން ދަނިކޮށް މޫދުގައި އޮއްވާ ފެނިފައިވާ ކަމަށެވެ. މި ހާދިސާގެ މައުލޫމާތު ލިބުނީ ހެނދުނު 09:40 ގަ އެވެ.
ފުލުހުން ބުނީ ބިދޭސީ ފިރިހެން މީހާ ފޭދޫ ސިއްހީ މަރުކަޒަށް ގެންދިޔަ އިރު ވެސް އޮތީ މަރުވެފައި ކަމަށެވެ. އެ މީހާ އަކީ ފޭދޫ ގެއެއްގައި މަސައްކަތިގެ މީހެއްގެ ގޮތުގައި އުޅުނު މީހެކެވެ.
މި ހާދިސާއާ ގުޅިގެން ބަލަން ޖެހޭ ކަންކަން ފުލުހުން ބަލަމުން އަންނަ ކަމަށް ފުލުހުން ބުންޏެވެ.