ޙައްދު ޖެހުމަށް ހުކުމް ކުރާ މީހުންގެ ގައިގައި ޙައްދު ޖެހުމާއި އެކަމާ ގުޅޭ ކަންކަން ކުރާނެ ދޭވާނީއަކު ހޯދަން ކްރިމިނަލް ކޯޓުން އިއުލާންކޮށްފި އެވެ.
އެ ކޯޓިން ބުނީ ދޭވާނީގެ ޒިންމާ އަކީ ޙައްދު ޖެހުމަށް ޙަވާލުކުރާ މީހުންގެ ޙައްދު ޖެހުމުގެ އެންމެހާ މަސައްކަތްކުރުމުގެ އިތުރުން ކޯޓަށް ޙާޒިރުވުމުގެ އަމުރު ބެހުމާއި މެޖިސްޓްރޭޓް ކޯޓުތަކުގެ ހެކިބަސް ނެގުމުގެ މަސައްކަތުގައި ސެކްޝަނަށް އެހީތެރިވެ ދިނުން ކަމަށެވެ.
އެ މަގާމުގެ މުސާރައަށް އަސާސީ މުސާރައިގެ އިތުރުން ޖުޑީޝަލް އެލަވަންސާއި، ސާވިސް އެލަވަންސާއި، ލިވިން އެލަވަންސްގެ ގޮތުގައި ޖުމްލަ 8،040ރ. ލިބޭނެއެވެ.
ދޭވާނީގެ މަގާމަށް ކުރިމަތިލުމުގެ ޝަރުތަކީ ހަމައެކަނި ލިޔަންކިޔަން އެނގުމެވެ. އެ މަގާމަށް ކުރިމަތިލުމުގެ ފުރުސަތު ހުޅުވާލާފައި ވަނީ އަންނަ މަހުގެ 3 އާ ހަމައަށެވެ.