ޖަޕާންގެ ކުޑައަންހެން ކުއްޖަކު ކިޑްނެޕްކޮށް، ރޭޕްކުރި މައްސައަކާ ގުޅިގެން އެމެރިކާގެ ސިފައިންގެ މީހަކަށް ދައުވާކޮށްފި އެވެ.
މީޑިއާތަކުން ރިޕޯޓްކޮށްފައިވާ ގޮތުގައި 16 އަހަރުން ދަށުގެ އަންހެން ކުއްޖާ ރޭޕްކުކުރި ސިފައިންގެ މީހާ އަކީ އެމެރިކާ އިން ޖަޕާން އޮކިނާވާ ސަރަހައްދުގައި ހިންގަމުން އަންނަ އެންމެ ބޮޑު އަސްކަރީ ބޭހުގައި މަސައްކަތްކުރަމުން އައި 25 އަހަރުގެ ސިފައިންގެ މީހެކެވެ.
މިދިޔަ އަހަރުގެ ޑިސެމްބަރު މަހުގެ 24 ގައި ކުޑަކުއްޖާ ރޭޕްކުރި މައްސަލަ ފަޅާއެރީ ސެކިއުރިޓީ ކެމެރާގެ ޒަރީއާއިންނެވެ. އަދި އެއާ އެކީ އާއިލާ އިން މައްސަލަ ފުލުހުންނަށް ރިޕޯޓްކުރި އެވެ. މީޑިއާތަކުން ބުނީ ސިފައިންގެ މީހާ ކުއްޖާ ރޭޕްކުރީ އެ ކުއްޖާ ޕާކެއްގެ ކައިރީގައި އުޅެނިކޮށް ލޮލުގައި އަޅައިގަނެގެން، ވާހަކަ ދައްކައިލަން ކަމަށް ބުނެ ސިފައިންގެ މީހާގެ ކާރަށް އެރުވުމަށް ފަހު އޭނަ ދިރިއުޅޭ ގެއަށް ގެންގޮހެވެ.
އެ ހާދިސާ ފުލުހުންނަށް ރިޕޯޓްކުރުމާ އެކީ ސިފައިންގެ މީހާ ހައްޔަރުކުރި އެވެ. އަދި އޭގެ ފަހުން އޭނަ ހުރީ ބަންދުގަ އެވެ. އޭނަގެ މައްޗަކޮށްފައި ވަނީ ކިޑްނެޕްކުރުމާއު ރޭޕްކުރުމާއި ކުޑަކުއްޖެއްގެ ކަރާމަތް ނަގައިލުމުގެ ދައުވާ އެވެ.
މީގެ 29 އަހަރު ކުރިން 1995 އެމެރިކާގެ ސިފައިންގެ ތިން މީހަކު ޖަޕާންގެ 12 އަހަރުގެ ކުއްޖަކު ރޭޕްކުރި މައްސަލައެއް ވެސް ވަރަށް ބޮޑަށް ހޫނުވެ، ގިނަ ބަޔަކު އެކަމާ ދެކޮޅަށް މުޒާހަރާ ވެސް ކޮށްފައިވެ އެެވެ.