ބަޢާވާތްކޮށްގެން ސަރުކާރު ވައްޓައިލަން އުޅުމުގެ ތުހުމަތުހައި ބޮލީވިއާގެ ލީޑަރަ ހައްޔަރުކޮށްފި އެވެ.
މީޑިއާތަކުން ބުނީ ވެރިރަށް ލަ ޕާޒްގައި ހުންނަ ރިޔާސީ ގަނޑުވަރާއި ސަރުކާރުގެ ގިނަ އޮފީސްތަކެއް ހުންނަ މުރިލޯ ސްކެއާ އަށް އެއްވެ، ސަރުކާރު ވައްޓައިލަން އުޅުމުގެ ތުހުމަތުގައި ހައްޔަރުކުރީ މަގާމުން ދުރުކޮށްފައިވާ އަސްކަރިއްޔާގެ ކުރީގެ ޖެނެރަލެއް ކަމަށްވާ ޖުއާން ޖޯސް ޒުނީގާ ކަމަށެވެ.
އޭނަ އާއި ގިނަ އަދަދެއްގެ ސަޕޯޓަރުން ރިޔާސީ ގަނޑުވަރު ސަރަހައްދަށް އެއްވުމާ ގުޅިގެން ސިފައިންނާއި ފުލުހުހުން ނުކުމެ، އެ ސަރަހައްދު ސަލާމަތީ ބާރުތަކުގެ ކޮންޓްރޯލްގެ ދަށަށް އެއްކޮށް ގެންގޮސް، އެއްވި މީހުން ދުރަށް ޖައްސާފައިވެ އެވެ.
ސަރުކާރުން ވައްޓައިލަން އުޅުމުގެ ތުހުމަތުގައި ޖުއާން ހައްޔަރުކުރި އިރު ވިދާޅުވީ ރައީސް ލުއިސް އާސީ އަށް އިހުތިރާމު ކުރައްވާ ކަމަށާއި އެކަމަކު ސަރުކާރާ ދެކޮޅަށް މަގުމައްޗަށް ނުކުންނަން ޖެހުނީ ޑިމޮކްރަސީގެ ދިފާއުގައި ކަމަށެވެ. އަދި ބޮލިވިއާގެ ކަންކަން ޑިމޮކްރަސީއާ ދުރަށްދާތީ "ޑިމޮކްރަސީ ރިސްޓްރަކްޗް ކުރަން" ބޭނުންވެ ވަޑައިގަންނަވާ ކަމަށް ވިދާޅުވި އެވެ.
ސަރުކާރު ވައްޓައިލަން އުޅުން ވަަރަށް ބޮޑަށް ކުށްވެރިކޮށް ބޮލީވިއާގެ ރައީސް ވަނީ ބަޢާވަތާ ދެކޮޅަށް އެންމެން އެކީގައި މަސައްކަތް ކުރަން ގޮވާލައްވައިފަ އެވެ. ދެހާސް ވިހީގައި ވެރިކަމަސް ވަޑައިގެންނެވި ލުއިސް ވިދާޅުވީ އަލުން ބޮލީވިއާގައި ބަޢާވާތް ކުރަން ފުރުސަތެއް ނުދެއްވާނެ ކަމަށެވެ.
ރައީސް މިހާރު ވަނީ އަސްކަރިއްޔާގެ އިސް މަގާމުތަކަށް ބޮޑެތި ބަދަލުތަކެއް ވެސް ގެންނަން ނިންމަވައިފަ އެވެ.