އައްޑޫ މީދޫން ގޯތި ލިބުނު މީހުންނާ ގޯތިތައް ހަވާލު ކުރަން ފަށައިފި އެވެ.
މީދޫ އަވަށު އޮފީހުން ބުނީ ގޯތި ދޭން ނިންމި ސަރަހައްދުގައި އިން ވަކިކޮށް، ގޯތިތައް ހަވާލުކުރަން ފެށީ އިއްޔެ ކަމަށެވެ. އަވަށު އޮފީހުން އިން ވަކިކުރެވޭ މިންވަރަކުން ދާނީ ގޯތިތައް ހަވާލު ކުރަމުން ކަމަށެވެ. އެ އަވަށުން ދޫކުރަން ނިންމީ 2،000 އަކަފޫޓްގެ 100 ގޯއްޗެވެ.
މީދުއާ އެކީ އައްޑޫގެ ހަތަރު އަވަށަކުން 1،000 ގޯއްޗަށް ސިޓީ ކައުންސިލުން ހުޅުވީ މިދިޔަ އަހަރުގެ ކުރީކޮޅު އެވެ. އެގޮތުުން މީދުއާ އިިންވެގެން އޮންނަ ހުޅުދޫން ވެސް 2،000 އަކަފޫޓްގެ 100 ގޯއްޗަށް ހުޅުވާލި އެވެ. އަދި ހިތަދޫން 500 އާއި ފޭދޫން 300 ގޯއްޗަށް ހުޅުވާލި އެވެ. އެ ދެ އަވަށުން ދޭން ނިންމީ 1،500 އަކަފޫޓްގެ ގޯއްޗެކެވެ.
ހަތަރު އަވަށުން ގޯއްޗަށް ހުޅުވައިލުމުން 4،000 އަށް ވުރެ ގިނަ މީހުން ކުރިމަތިލި އެވެ. އެހެންވެ ކައުންސިލުން ނިންމާފައ އޮތީ ޝަރުތު ހަމަވާ އެންމެންނަަށް ވެސް ގޯތި ދޭށެވެ.