މާލޭގެ މަގަކަށް "ފަލަސްތީނު ހިންގުން" ކިޔަން މިއަދު ފާސްކޮށްފި އެވެ.
މާލެ ސިޓީ ކައުންސިލުން އެ ނަން ދޭން ނިންމީ މާފަންނު މަދުރަސާގެ ފުރަގަހުން އޮތް ގޯޅިއަށެވެ.
ފަލަސްތީނާ ގުޅުވައި މާލޭގެ މަގަކަޑށް ނަމެއް ދޭން މިދިޔަ މެއި މަހުގެ ތެރޭގައި ކައުންސިލަށް ހުށަހެޅުއްވީ މޭޔަރު އާދަމް އާޒިމެވެ.
އެގޮތުން މާފަންނު ކޮޅުގައި އަލަށް ހެދި ގޯޅިއަށް "ފަލަސްތީނު ހިންގުން" ކިޔަން ފާސްކުރީ މިއަދު ބޭއްްވި ކައުންސިލުގެ ބައްދަލުވުމުގެ އިއްތިފާގުންނެވެ.
އާޒިމް ވިދާޅުވީ ރާއްޖޭގެ ވެރިރަށުގެ މަގަކަށް ފަލަސްތީނުގެ ނަމުން ނަން ދޭން ނިންމީ އިޒްރޭލުގެ އަނިޔާވެރިލަމުގައި ފަލަސްތީނު ރައްޔިތުން ވަމުންދާ ގުރުބާނީގައި ބައިވެރުމާއި އެކަން ފާހަގަކުރުމުގެ ގޮތުން ކަމަށެވެ. އަދި މިއީ ފަލަސްތީނު ރައްޔިތުންނަށް އުއްމީދެއް ދިނުމާއި އެކީ ދިވެހިން އެ ރައްތިޔުންނާ އެކީ އަބަދު ވެސް ތިބޭނެކަން ހާމަކޮށް ދިނުމުގެ ގޮތުން ކުރަން ނިންމި ކަމެއް ވެސް ވިދާޅުވި އެވެ.
އާޒިމް ވިދާޅުވީ "ފަލަސްތީނު ހިނގުން" ކީ މަގު ރަނގަޅަށްް ޒީނަތްތެރިކޮށް ޑިޒައިންކޮށް ފަލަސްތީނުގެ މި ސްޓްރަގަލް ރަމުޒުކުރެވޭ ކަހަލަ ގޮތަކަށް އެ މަގު އޮންނަން ކަމަށެވެ.