ޗައިނާގެ ނަންޗަން ސިޓީގައި ކުރިއަށް "ޝަންހާއި ކޯޕަރޭޝަން އޯގަނައިޒޭޝަން ފޯރަމް އޮން ޓްރެޑިޝަނަލް މެޑިސިން" ގައި ހެލްތު މިނިސްޓަރު ޑރ. އަބްދުﷲ ހަލީލު ބައިވެރިވަޑައިގެންފި އެވެ.
މިނިސްޓަރު ވަނީ ފޯރަމްގައި ބައިވެރިވި އިސް ވަފުދާ އެކީ ބޭއްވި ބައްދަލުވުމުގެ ރިޔާސަތު ވެސް ބަލަހައްޓަވައިފަ އެވެ. މި ބައްދަލުވުމުގައި ފޯރަމްގައި ބައިވެރިވި ގައުމުތަކުގެ މެދުގައި ގުޅުން އިތުރަށް ބަދަހިކޮށް ގަދީމީ ބޭސްވެރިކަމުގެ އުސޫލުތައް ހަރުދަނާ ކުރުމަށް ގައުމުތަކުގެ އެއްބާރުލުން ދިނުމާއި ގުޅޭ ގޮތުން މަޝްވަރާކޮށްފައިވެ އެވެ.
ފޯރަމް ހުޅުވުމުގެ ރަސްމިއްޔާތުގައި މިނިސްޓަރު ދެއްކެވި ވާހަކައިގައި މިހާރުގެ ޒަމާނީ ޞިއްޙީ ފަރުވާގެ ތެރެއަށް ގަދީމީ ބޭސްވެރިކަން ބޭނުން ކުރުމުގެ މުހިންމު ކަމަށް އަލިއަޅުވާލެއްވި އެވެ.
މިނިސްޓަރުގެ މި ޗައިނާ ދަތުރުގައި އެފިލިއޭޓެޑް ހޮސްޕިޓަލް އޮފް ޖިއަންޝީ ޔުނިވަސިޓީ އޮފް ޗައިނީސް މެޑިސިން އަށް ޒިޔާތަރްކުރައްވާފައިވެ އެވެ. އެ ޒިޔާރަތުގައި ތަނުންދޭ ޚިދުމަތާއި، ޞިއްޚީ ޚިދުމަތް ދޭ ގޮތާއި އެތަނުން ދޭ ޚިދުމަތްތައް މިނިސްޓަރު ބައްލަވާލެއްވި އެވެ. ލައްވާފައެވެ.
މި މަހުގެ 24 ގައި ފެށި ފޯރަމް މި މަހުގެ 29 އާ ހަމައަށް ކުރިއަށް ދާނެ އެވެ.