މި އަހަރު ރާއްޖެ އަށް އައި އެއް މިލިއަން ވަނަ ޓޫރިސްޓަށް މިއަދު މަރުހަބާ ކިޔައިފި އެވެ.
އެއް މިލިއަން ވަނަ ޓޫރިސްޓަކޫ ތައިލެންޑްގެ ސުޓާޕާ އަމޯންވިވަތު 37، އެވެ. އޭނަ އަށް މިއަދު އެއާޕޯޓުން މަރުހަބާ ކީ ޓޫރިޒަމް މިނިސްޓަރު އިބްރާހިމް ފައިސަލާއި އެމްއެމްޕީއާރްސީގެ އެމްޑީ އިބްރާހީމް ޝިއުރީ އެވެ.
މިއީ ސުޕާޓާ ރާއްޖެ އަށް ޒިޔާރަތްކުރި ދެވަނަ ފަހަރެވެ. އާއިލާއާ އެކީ މިއަދު ރާއްޖެ އައި ސުޓާޕާ އަށް ވަނީ އެއް މިލިއަން ވަނަ ޓޫރިސްޓަށްވުމާ ގުޅިގެން ހަދިޔާއެއްގެ ގޮތުގައި ސިޔާމް ވޯލްޑް ރިސޯޓުގައި ފަސް ދުވަސް ޗުއްޓީ ހޭދަކުރުމުގެ ފުރުސަތު ދީފަ އެވެ.
ރާއްޖެ އަށް މި އަހަރުގެ މިހާތަނަށް އައި ޓޫރިސްޓުންގެ އަދަދު މިލިއަނަކަށް ވުރެ މައްޗަށް އިރު، އަމާޒަކޫ އަހަރު ނިމުމުގެ ކުރިން 2.3 ޓޫރިސްޓުން ގެނައުމެވެ.
މިހާރު ރާއްޖެ އެންމެ ގިނަ ޓޫރިސްޓުން އަންނަ ތިން ގައުމަކީ ޗައިނާ، ރަޝިއާ އަދި އިނގިރޭސިވިލާތެވެ.