ރައީސް ޑރ. މުހައްމަދު މުއިއްޒަށް ސިހުރު "ހެދި" ކަމުގެ ތުހުމަތުގައި ހައްޔަރުކޮށްފައިވާ އެންވަޔަރަމަންޓު މިނިސްޓްރީގެ ސްޓޭޓް މިނިސްޓަރު ފާތިމަތު ޝަމްނާޒް އަލީ ސަލީމް މަގާމުން ވަކިކޮޮށްފި އެވެ.
ސިހުރު ހެދިކަމުގެ ތުހުމަތުގައި އޭނައާ އެކީ އިތުރު ދެ މީހަކު ވެސް ހައްޔަކުރި އެވެ. މިދިޔަ އާދިއްތަ ދުވަހު އެ މީހުން ހައްޔަރުކޮށް ބަންދަށް 7 ދުވަސް ޖަހާފައިވެ އެވެ.
ޝަމްނާޒް އަކީ ރައީސް އޮފީހުގެ މިނިސްޓަރުގެ މަގާމުން މިހާރު ސަސްޕެންޑްކޮށްފައިވާ އާދަމް ރަމީޒުގެ ކުރީގެ އަނބިކަނބަލުންނެވެ. އޭނަ މަގާމުން ސަސްޕެންޑްކުރީ ބަަލަމުންދާ މައްސަލައަކާ ގުޅިގެންނެވެ.
ޝަމްނާޒް މަގާމުން ވަކިކުރީ އިއްޔެ އެވެ. އޭނަ އެންވަޔަރަމަންޓްގެ ސްޓޭޓް މިނިސްޓަރަކަށް އައްޔަންކުރީ އެޕްރީލް 4 ގަ އެވެ. ކުރިން ޝަމްނާޒް މާލެ ސިޓީ ކައުންސިލް މެންބަރުކަން ވެސް ކުރެއްވި އެވެ.
މުއިއްޒު ވެރިކަމަށް ވަޑައިގެންނެވުމުން އޭނާ އެ މަގާމުން އިސްތިއުފާ ދެއްވި އެވެ. ޝަމްނާޒް އެންމެ ފުރަތަމަ އައްޔަންކުރީ މުލިއާގޭގެ މަގާމަކަށެވެ.