އެސްޓޯއީ އިން ވިއްކާ ހިޓާޗީ ބްރޭންޑުގެ ހަކަތަރި ލޭބަލް ޖެހި އައިސް އަލަމާރި އާއި އަދި އެސްޓީއޯ ޕީޕަލްސް ޗޮއިސް އިން ތައާރަފުކޮށްފި އެވެ.
އެ އުފެއްދުންތައް ތައާރަފުކުރީ "ސޭވް ދަ ވޯލްޑް" ނަމުގައި މިއަދު ބޭއްވި އިވެންޓެއްގަ އެވެ. މި އިވެންޓުގައި އެ އުފެއްދުންތައް ލޯންޗްކޮށް ދެއްވީ އެންވަޔަރަމެންޓް މިނިސްޓްރީގެ ޕާމަނަންޓް ސެކެރެޓަރީ އަޖުވަދު މުސްތަފާ އާއި އެސްޓީއޯގެ މެނޭޖިން ޑިރެކްޓަރު ޝިމާދު އިބްރާހީމެވެ.
"ހަކަތަރި" ލޭބަލަކީ ކަރަންޓު ސާމާނުން ހަކަތަ ބޭނުންކުރާ ވަރާއި އެ ތަކެތީގެ އެފިޝިއެންސީ ދައްކައިދޭން ޖަހާ ލޭބަލެކެވެ. މި ލޭބަން އެންވަޔަރަމަންޓް މިނިސްޓްރީން ތައާރަފުކުރީ 2022 ގަ އެވެ. އެގޮތުން ކަރަންޓަށް ކުރާ ހޭދަ ކުޑަކުރުމަށް ބާރު އަޅަން ފެށި މި ޕްރޮގްރާމްގައި އެންމެ ފުރަތަމަ ބައިވެރިވީ އެސްޓީއޯ އެވެ.
މުޖްތަމައަށް ފައިދާކުރުވާ ޒަމާނީއާކަންކަން ތައާރަފް ކުރުމުގައި ހާއްސަ އިސްކަމެއްދޭ އެސްޓީއޯއިން ވަނީ 2022 ގައި "ހަކަތަރި" ލޭބަލް ޖެހި ހިޓާޗީ އޭސީ ވެސް ތައާރަފުކޮށްފަ އެވެ.