މަސްތުވާތަކެއްޗާ ދެކޮޅަށް ފުވައްމުލަކުގައި ފުލުހުން ކުރިއަށް ގެންދާ "ވެށި ރައްކަލް" އޮޕަރޭޝަނުގައި މިހާތަނަށް 14 މީހަކު ހައްޔަރުކުރި ކަމަށާއި އޭގެ ތެރެއިން ފަސް މީހަކު ބަންދުގައި އެބަތިބި ކަމަށް ފުލުހުން ބުނެފި އެވެ.
ފުލުހުން ބުނީ މެއި މަހުގެ 1 އިން ފެށިގެން ކުރިއަށް ގެންދާ އޮޕަރޭޝަނުގެ ތެރޭގައި 760.45 ގްރާމުގެ މަސްތުވާތަކެތި ހޯދާފައިވެ އެވެ. ފުވައްމުލަކަށް މަސްތުވާތަކެތި އެތެރެކޮށް، ވިއްކައި، ވިޔަފާރިކުރާ ފަރާތްތައް ހޯދައި ރަށުގެ އެކި ސަރަހައްދުތަކާއި ގޭބިސީތައް ބަލައި ފާސްކުރަމުން ގެންދާ ކަމަށް ފުލުހުން ބުންޏެވެ.
މި އޮޕަރޭޝަންގައި،މަސްތުވާތަކެތީގެ ތުހުމަތުގައި މި މަހު 25 ވަނަ ދުވަހުގެ ރޭ ބަޔަކު ހައްޔަރުކުރަން އުޅުމުން ފުލުހުންގެ ދައުރު އަދާކުރުމަށް ހުރަސް އަޅައި އަދި ޕޮލިސް ސްޓޭޝަން ދޮށަށް އެއްވެ މާރާމާރީ ހިންގަން އުޅުނު ތިން މީހަކު ވެސް ހައްޔަރުކޮށްފައިވެ އެވެ.