ހަރަދުތައް ކުޑަކުރަން ސަރުކާރުން ކުރަމުން އަންނަ މަސައްކަތްތަކަށް ސްޓެލްކޯގެ ފުރިހަމަ އެއްބާރުލުން ލިބޭނެ ކަމަށް އެ ކުންފުނީގެ މެނޭޖިން ޑިރެކްޓަރު ހުސައިން ފަހުމީ ވިދާޅުވެއްޖެ އެވެ.
ފޭސްބުކް ޕޯސްޓެއްގައި އޭނަ ވިދާޅުވީ ދަޢުލަތުގެ ޚަރަދުތައް ކުޑަ ކުރަން ރައީސް ރައީސް ޑރ. މުޙައްމަދު މުޢިއްޒު އަޅުއްވަން ނިންމެވި ފިޔަވަޅުތަކަށް ފުރިހަމައަށް ތާޢީދުކޮށް މަރުޙަބާ ދަންނަވާ ކަމަށެވެ.
"ދިވެހިރާއްޖެއަކީ އަރަނިވެރި، ތިޔާގި އަދި މާލީ ބުރަތަކަށް ވިލުންވެރި ޤައުމަކަށް ހެއްދެވުމަށް ރައީސް އަޅުއްވާ ފިޔަވަޅުތައް ތަންފީޒުކުރުމުގައި ދިވެހި ޤައުމު ދެކެ ލޯބިވާ ރައްޔިތެއްގެ ޙައިސިއްޔަތުން އަޅުގަނޑުގެ ފުރިހަމަ އެއްބާރުލުން ލިބިގެންދާނެ ކަމުގެ ފުރިހަމަ ޔަޤީންކަން އަރުވަން،" ފަހުމީ ވިދާޅުވި އެވެ. އަދި ހަމަ މިއާ އެކު ދައުލަތުގެ ޚަރަދުތައް ކުޑަކުރުމަށް ކުރެވޭ މަސައްކަތުގައި ދަޢުލަތުގެ ކުންފުންޏެއްގެ ޙައިސިއްޔަތުން ސްޓެލްކޯ އަބަދުވެސް ފުރިހަމަ އެއްބާރުލުން ދެމުންދާނެ ކަމުގެ ޔަޤީންކަން ވެސް އަރުވަން."
އޭނަ ވިދާޅުވީ ސަރުކާރުން ރައްޔިތުންގެ ލާބައާއި މަންފާ އަށް އަދި ކުރިއެރުމަށް ކުރަމުން ގެންދާ މަސައްކަތުގައި ދާދި އަވަހަށް ކުލަޖެ ހިގެންދާނެ ކަމަށެވެ.
"މިކަމުގެ ފުރިހަމަ ޔަޤީންކަން އަޅުގަނޑަށް އެބައޮތް." ފަހުމީ ވިދާޅުވި އެވެ.