އައްޑޫ ހިތަދޫގެ ހިތަދޫ ސްކޫލްގެ 50 ވަނަ އަހަރީ ދުވަސް ފާހަގަކުރަން "ގޯލްޑެން ޖުބިލީ ރަން" ގެ ނަމުގައި ދުވުމެއް ބާއްވަން ނިންމައިފި އެވެ.
މި ދުވުން ބާއްވަމް ހަމަޖެހިފައި ވަނީ އަންނަ މަހުގެ 7 ގަ އެވެ.
އެހެންވެ ދުވުމުގައި އާންމުކޮށް ބައިވެރިވާން ހުޅުވާލައި، ދުވުމުގައި ބައިވެރިވާ މީހުންނަށް ހާއްސަކޮށްފައިވާ "ޕްރީމިއަމް ބިބް" ވިއްކަން މިހާރު އޮތީ ހުޅުވާލައިފަ އެވެ. ހިތަދޫ ސްކޫލުން ބުނީ ބިބު ގަންނަ މީހުންނަށް އެ މީހުންގެ ނަން ވެސް އޭގައި ޕްރިންޓްކޮށް ދޭނެ ކަމަށެވެ. އެހެންވެ ޕްރިމިއަމް ބިބު ބޭނުންވާ ފަރާތްތަކަށް މިހާރު ވަނީ ގޫގުލް ފޯމް މެދުވެރިކޮށް މިއަދު ހަވީރު 6:00 ގެ ކުރިން ހުށަހެޅުމަށް އެދިފަ އެވެ. ޕްރީމިއަމް ބިބްގެ އަގަކީ 200ރ. އެވެ.
"ގޯލްޑެން ޖުބިލީ ރަން" ބާއްވަން ހަމަޖެހިފައި ވަނީ ތިން ކެޓަގަރީއަކަށެވެ. އެއީ 1ކޭ، 3ކޭ އަދި 5ކޭ އެވެ.
ހިތަދޫ ސްކޫލަކީ ކީ ސްޓޭޖުން ފެށިގެން ގްރޭޑް 10 އާ ހަމައަށް ކިޔަވައި ދެމުން އަންނަ ސްކޫލެކެވެ.