ދެކުނުގެ މަޝްހޫރު އެކްޓަރު ސޫރިއާ އާއި ބޮލީވުޑްގެ ޒުވާން ބަތަލާ ޖާންވީ ކަޕޫރް ލީޑަށް ލައިގެން ހަދަން ނިންމި ބޮޑު ބަޖެޓް ހުރާފީ ފިލްމު "ކަރްނާ" ނަހަދަން މިހާރު ނިންމާފައިވާ ކަމަށް ރިޕޯޓްތައް ބުނެފި އެެވެ.
މި ފިލްމަކީ ބެލުންތެރިންގެ މެދުގައި ވަރަށް ބޮޑު މަގުބޫލު ކަމެއް ހޯދި 2006 ގެ "ރަންގް ދެ ބަސަންތީ" ގެނެސްދިން ޑައިރެކްޓަރު ރާކޭޝް އޯމްޕްރަކާޝް މެހެރާގެ ޑްރީމް ޕްރޮޖެކްޓެވެ.
ފިލްމީ ޚަބަރުތައް ގެނެސްދޭ މީޑިއާތަކުން ފަރުހާން އަޚްތަރާއި ރިތޭޝް ސިދުވާނީގެ އެކްސަލް އެންޓަޓައިންމަންޓުން ހަދަން ނިންމި "ކަރްނާ" ނަހަދަން ނިންމީ ފިލްމަށް ހަރަދު ކުރަން ނިންމި 350 ކްރޯޑް ރުޕީސް (42 މިލިއަލް ޑޮލަރު) ގެ ތެރެއިން ފިލްމުގެ ޕްރީ-ޕްރޮޑަކްޝަނާއި ލުކް ޓެސްޓަށް 15 ކްރޯޑް (2 މިލިއަން ޑޮލަރު) ހޭދަކޮށްފައި ވަނިކޮށް ކަމަށެވެ.
ނަމަވެސް ކަރްނާ އަށް ވާން ޖެހޭ ގިނަ ތައްޔާރީތަކެއް ވެފައި ވަނިކޮށް ފިލްމު ހުއްޓައިލަން ނިންމި ސީދާ ސަބަބެއް ސާފު ނުވާ ކަމަށް ބޮލީވުޑް ހަންގާމާ އިން ބުންޏެވެ. އަދި މިކަމާ ބެހޭ ގޮތުން މެހެރާ އާއި އެކްސަލް ވެސް ރަސްމީކޮށް އަދި ވަކި އެއްޗެއް ނުބުނެ އެވެ.
"ކަރްނާ" ގެ ކާސްޓަށް ނަގާފައިވާ މީހުންގެ ތެރޭގައި އަލީ ފަޒަލް، ވިޖޭ ވަރުމާ އަދުި އަވިނާޝް ތިވާރީ ވެސް ހިމެނެ އެވެ.
"ދިއްލީ-6" އާއި "ބާގް މިލްކާ ބާގް" ވެސް ގެނެސްދިން މެހެރާގެ އެންމެ ފަހުގެ ފިލްމަކީ 2021 ގެ "ތޫފާން" އެވެ.