ރާއްޖޭގެ މާލީ ނިޒާމު ހަރުދަނާކުރުމުގެ މުޙިންމު ފިޔަވަޅުތަކެއް އަޅަން ސަރުކާރު ނިންމާފައިވާރީ ރައީސް ޑރ. މުހައްމަދު މުއިއްޒަށް ވެރިކަން ޕީއެންސީ ކޯލިޝަނުން މަރުހަބާ ކިޔައިފި އެވެ.
އެ ކޯލިޝަނުން ނެރުނު ބަޔާނެއްގައި ބުނީ ކުރީގެ ސަރުކާރުން ރާއްޖެ ވައްޓާލާފައިވާ އިޤުތިޞާދީ އަނދަވަޅުން ނަގައި ރާއްޖޭގެ މާލީ ނިޒާމް ހަރުދަނާކުރުމުގެ މުޙިންމު ފިޔަވަޅުތަކެއް ރައީސް އަޅުއްވަން ނިންމަވާ އެކަން އިޢުލާނު ކުރެއްވިކަމަށްޓަކައި އިޚުލާސްތެރިކަމާއެކު މަރުޙަބާ ދަންނަވައި ޝުކުރު ވެސް އަދާކުރާ ކަމަށެވެ.
އެގޮތުން ދައުލަތުގެ ޚަރަދުތައް ކުޑަކުރުމަށްޓަކައި ގިނަ ފިޔަވަޅުތަކެއް އަޅަން ނިންމާފައިވާކަން ފާހަކަ ބަޔާނުގައި ބުނީ ސަރުކާރުގެ ރިކަރަންޓް ޚަރަދު ކުޑަކުރުމުގެ ގޮތުން ސިޔާސީ މަޤާމުތަކުގެ އަދަދު މަދުކުރުމާއި، އެކި މުނާސަބަތުތަކުގައި ބާއްވާ ޙަފުލާތަކަށް ކުރާ ޚަރަދުތައް މަދު ކުރެއްވުން ފަދަ ކަންކަން ހިމެނޭ ކަމަށެވެ.
"އަދި އެނޫން ވެސް އިތުރު ފިޔަވަޅުތައް އަޅުއްވާނެކަން ވަނީ ހާމަކުރައްވާފައި." ބަޔާނުގައި ބުންޏެވެ.
ޕީއެންސީއާ އެކީ އެމްއެންޕީ އާއި އެންޑީއޭ ހިމެނޭ ކޯލިޝަންގެ ބަޔާނުގައި ބުނީ ރައްޔިތުންނަށް މާ ބޮޑު ނޭދެވޭ އަސަރެއް ނުކުރާނެ ގޮތަކަށް މާލީ ނިޒާމް ހަރުދަނާ ކުރުމަށް ވިސްނައި އަޅަން ނިންމެވި ފިޔަވަޅުތަކަކީ ސިޔާސީ މަންފާއަށް ވުރެ ބޮޑަށް، ޤައުމީ ވިސްނުމަކުން ވިސްނައި އަޅަން ނިންމކި ފިޔަވަޅުތަކެއް ކަމަށް ގަބޫލު ކުރާ ކަމަށެވެ.
"އަދި މިކަމުގައި ރައީސުލްޖުމްހީރިއްޔާއާ އެކު މި ކޯލިޝަން ސާބިތުވެ ތިބޭނެ ކަމުގެ ޔަޤީންކަން ވެސް އަރުވަން،" ބަޔާނުގައި ބުންޏެވެ. "ރާއްޖޭގެ މާލީ ނިޒާމް ހަރުދަނާކުރުމަށް ރައީސް ކުރައްވަމުން ގެންދަވާ މަސައްކަތުގައި ބަރަކާތް ލައްވައޮ އެމަނިކުފާނަށް ސާބިތުކަން ދެއްވާށި."