ބަނޑުގައި އޮތް ދަރީގެ ބައްޕަ އަކީ ކާކުކަން ނޭނގިގެން ބަތަލާ ޓްރިޕްތީ ދިމްރީ ބޮޑު އޮޅުންބޮޅުންގަނޑެއްގެ ތެރެއަށް ވެއްޓި، ދިމާވާ ހެއްވާ މަޖާ ހާދިސާތަކެއް ދައްކުވައި ދޭނެ ފިލްމު "ބޭޑް ނިއުސް" ގެ ޓްރެއިލާ މިއަދު ދައްކާލައިފި އެވެ.
މި ފިލްމަކީ 2019 ގައި ގެނެސްދިން ވަރަށް ކާމިޔާބު ފިލްމެއް ކަމަށްވާ "ގުޑް ނިއުސް" ގެނެސްދިން ކަރަން ޖޯހަރްގެ ދަރުމާ ޕްރޮޑަކްޝަނަށް އާނަންދު ތިވާރީ ޑައިރެކްޓްކޮށްފައިވާ ރޮމޭންޓިކް ކޮމެޑީއެވެ. "ބޭޑް ނިއުސް" ގެ ބަތަލުންނަކީ ވިކީ ކޯޝަލާއި އައްމީ ވާކް އެެވެ.
މީގެ އިތުރުން ފިލްމުގެ ވަރަށް ހާއްސަ ރޯލަކުން ނޭހާ ދޫޕިއާ ވެސް ފެނިގެން ދާނެ އެވެ.
މި އަހަރުގެ އެންމެ އުންމީދީ ފިލްމުތަކުގެ ތެރޭގައި ހިމެނޭ "ބޭޑް ނިއުސް" ސިނަމާތަކަށް ގެންނަން ހަމަޖެހިފައި ވަނީ އަންނަ މަހުގެ 19 ގަ އެވެ. އެކަމަކު މި ފިލްމުގެ ކުރިން އަންނަ މަހުގެ 5 ގައި ދަރުމާ އިން ވަރަށް އަނިޔާވެރި، އެކްޝަން ތުރިލާއެއް ކަމަށްވާ "ކިލް" ސިނަމާތަކަށް ގެންނާނެ އެވެ.
އާ އެކްޓަރު ލަކްޝް ލަލްވާނީ ތައާރަފުކުރާ މި ފިލްމަކީ ނިކިލް ނާގޭޝް ބަޓްގެ ޑައިރެކްޝަނެކެވެ.