އޮފީސްތަކުން ވައްކަން ކުރާކަމުގެ ރެކޯޑް އޮންނަ މީހާ، ވައްކަމުގެ މައްސަލައެއްގައި އަނެއްކާ ވެސް ހައްޔަރުކޮށްފި އެވެ.
އެފަދަ މައްސަލަތަކެއްގައި އެތައް ފަހަރެއްގެ ހައްޔަރުކުރި އައްޑޫ ހިތަދޫ ދެކުލައަރާގޭ މުހައްމަދު އަސްލަމް ވައްކަމުގެ މައްސަލައެއްގައި އަލުން ހައްޔަރުކޮށް އޭނަގެ މައްޗަށް ކޮށްފައި ވަނީ ހުއްދަ ނޫން ތަނަކަށް ވަނުމާއި މުދަލަށް ގެއްލުން ދިނުމުގެ ތުހުމަތެވެ.
އެގޮތުން ވައްކަމާ ގުޅިގެން އޭނަ ހައްޔަރުކޮށް ބަންދާ މެދު ގޮތެއް ނިންމަން އިއްޔެ ކްރިމިނަލް ކޯޓަށް ހާޒިރު ކުރުމުން ބަންދަށް 5 ދުވަސް ޖަހާފައިވެ އެވެ.
އަސްލަމަކީ މީގެ ކުރިން މީރާ އިން ވައްކަންކޮށްގެން ހުކުމެއް ވެސް އިއްވި މީހެކެވެ އެވެ. އޭނަ ވައްކަންކޮށްފައިވާ ތަންތަނުގެ ތެރޭގައި މޯލްޑިވިއަންގެ އޮފީހެއް ފަޅާލައި ވައްކަން ކުރުމާއޮ ޖުވެނައިލް ކޯޓު ފަޅާލައިގެން ވައްކަން ކުރުމާއި ކަލާފާނު ސްކޫލުން ވައްކަން ކުރުން ފަދަ މައްސަލަތައް ހިމެނެ އެވެ.
އޭނަގެ ރިކޯޑްތަކުން ދައްކާ ގޮތުގައި ޖިނާއީ މައްސަލަތަކުގައި މީގެ ކުރިން 40 ވަރަކަށް ފަހަރު ބަންދުކޮށްފައިވެ އެވެ.