ރާއްޖެ އިން މި އަހަރު ހައްޖަށް ދިޔަ މީހުންގެ ދެވަނަ ގްރޫޕް މިއަދު ހަވީރު އެނބުރި އަތުވެއްޖެ އެވެ.
އިސްލާމިކް މިނިސްޓްރީން ބުނީ މިއަދު އައި ގްރޫޕްގައި 352 ހައްޖާޖީން ހިމެނޭ ކަމަށެވެ. ހައްޖާޖީންގެ ފުރަތަމަ ގްރޫޕް އައީ މި މަހުގެ 24 ގަ އެވެ. އެ ގްރޫޕްގައި އައީ 296 ހައްޖާޖީންނެވެ.
ރާއްޖެ އިން މި އަހަރު ހައްޖަށް ދިޔައީ 1،150 މީހުންނެވެ.
މިހާރު ބާކީ ނައިސް ތިބި ހައްޖާޖީން އަންނަން ހަމަޖެހިފައި ވަނީ އަންނަ މަހުގެ 1 އާއި 4 ގަ އެވެ.
ހައްޖާޖީންނަށް އައިޖީއެމްއެޗްގައި ފްލޫ ކްލިނިކެއް ހުޅުވާފައިވެ އެވެ.