ކުރީގެ ފޮރިން މިނިސްޓަރު އަބްދުﷲ ޝާހިދު ޗައިނާގެ ރައީސް ޝީ ޖިންޕިންއާ ބައްދަލު ކުރައްވައިފި އެވެ.
އެމްޑީޕީގެ ރައީސް ޗައިނާއަށް ކުރައްވަމުން ގެންދަވާ ޗައިނާގެ ޚާރިޖީ ސިޔާސަތު އޭގެ މައްޗަށް ބިނާވެފައިވާ މުހިއްމު ފަސް އަސާސްތައް ސައިނޯ-އިންޑިއަން އެގްރިމަންޓްގައި ހިމެނިތާ 70 އަހަރު ފުރުމުގެ މުނާސަބަތުގައި ބާއްވާ ކޮންފަރެންސެކެވެ
ޝާހިދާއި ޝީ ބައްދަލުކުރެއްވީ ކޮންފަރެންސްގެ ހަވާސާގަ އެވެ.
Privileged to meet President Xi Jinping before his important address to the Conference Marking the 70th Anniversary of the #FivePrinciplesofPeacefulCoexistence. I was inspired by his commitment towards a peaceful and prosperous world, marked by enhanced cooperation and… pic.twitter.com/e4554Tn1dJ
— Abdulla Shahid (@abdulla_shahid) June 28, 2024
ޝާހިދު ޗައިނާގެ ރައީސް ޝީ އާ ބައްދަލުކުރެއްވީ ކޮންފަރެންސްގައި ޝީ ދެއްވި ތަޤްރީރުގެ ކުރިންނެވެ. ޝީގެ ތަޤްރީރަށް ފަހު ޝާހިދު ވިދާޅުވީ އެއް ބަޔަކު އަނެއް ބަޔަކަށް އިހްތިރާމުކޮށްގެން، ދުނިޔޭގެ ސުލްހައާއި އަމާންކަން ގާއިމްކުރުމަށް ޝީ ކުރައްވާ މަސައްކަތްތަކުން ހިތްވަރު ލިބޭ ކަމަށާއި އިންސާނިއްޔަތަށް އޮތް ހަމައެކަނި ގޮތަކީ ސުލްހަވެރިކަމާއެކު އެންމެން ދިރިއުޅުން ކަމަށެވެ.
ޝާހިދު ވަނީ އެންމެން އެކީގައި މަސައްކަތް ކުރުމުން އާންމު ގޮންޖެހުންތަކާއި ކުރިމަތިލައި، ދެމެހެއްޓެނިވި، ސުލްހަވެރި، ހަމަޖެހޭ އަދި ފާގަތި މުސްތަގުބަލަކަށް މަގެއް ބިނާކުރެވޭނެކަން ވެސް ފާހަގަ ކުރައްވައިފަ އެވެ.
ކުރީގެ ފޮރިން މިނިސްޓަރު ޗައިނާގެ ފޯރަމެއްގައި ބައިވެރިވެވަޑައިގަންނަވާ އިރު، މި ސަރުކާރުގެ ހަތަރު މިނިސްޓަރަކު ވެސް ތިއްބެވީ ރަސްމީ ދަތުރުތަކެއްގައި ޗައިނާގަ އެވެ. އެއީ އިކޮނޮމިކް މިނިސްޓަރު މުހައްމަދު ސައީދާއި އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދާއި ހެލްތު މިނިސްޓަރު ޑރ. އަބްދުﷲ ހަލީލުގެ އިތުރުން ސިޓީތަކާ ބެހޭ މިނިސްޓަރު އާދަމް ޝަރީފު އުމަރެވެ.