މި މަހުގެ 20 ގައި ލޯންޗްކުރި ސަނީ ޑިއޯލްގެ އާ ފިލްމުގެ ނަމަކީ "ޖަޓް" ކަމަށް ރިޕޯޓްތައް ބުނެފި އެވެ.
މިހާރު ޝޫޓިން ވެސް ފަށާފައިވާ މި ފިލްމަކީ ކާމިޔާބު ތެލެގޫ ފިލްމުތަކެއް ގެނެސްދިން ގޯޕީޗަންދު މަލިނޭނީ އެވެ. "ޑޮން ސީނޫ" އާއި "ބޮޑީގާޑް" އަދި "ވިނާ" އަދި "ކްރެކް" ފަދަ ފިލްމުތައް ގެނެސްދިން ޑައިރެކްޓަރުގެ އެންމެ ފަހުގެ ފިލްމަކީ މިދިޔަ އަހަރުގެ "ވީރާ ސިމްހާ ރެޑީ" އެވެ.
"ޖަޓް" ގެ ކާސްޓްގައި ސަނިއާ އެކީ ސައްޔާމީ ކޭރް އާއި ރެޖީނާ ކެސަންޑްރާ ވެސް ހިމެނެ އެވެ. މީގެ ޓީމުން މި ފިލްމު ސިފަކޮށްފައި ވަނީ އިންޑިއާގެ އެންމެ ވަރުގަދަ އެކްޝަން ފިލްމުގެ ގޮތުގަ އެވެ.
"ޖަޓް" ގެ ޝޫޓިން މި އަހަރުގެ ސެޕްޓެމްބަރަށް ނިންމައިލަން އަމާޒު ހިފާފައިވާ އިރު، ސަނީ އެންމެ ފަހުން މަސައްކަތް ނިންމި ފިލްމަކީ އާމިރު ޚާން ޕްރޮޑިއޮސްކޮށް، ރާޖްކުމާތު ސަންތޯޝީ ޑައިރެކްޓްކުރި "ލާހޯރް، "1947" އެވެ. މިދިޔަ އަހަރުގެ އެންމެ ބޮޑު ހިޓްތަކުގެ ތެރޭގައި ހިމެނޭ "ގަދަރު 2" ގެ ބަތަލު ސަނީ ސޮއިކޮށްފައިވާ ފިލްމުތަކުގެ ތެރޭގައި ޖޭޕީ ދައްތާގެ "ބޯޑާ 2" އާއި ނިތޭޝް ތިވާރީގެ "ރަމާޔަން" ހިމެނެ އެވެ.