ފުލުހުންގެ ބަންދުގައި ތިބޭ މީހުންނަށް ބޭނުންވާ އަސާސީ ޙައްގުތައް އުސޫލުތަކާ އެއްގޮތަށް ޔަޤީންކޮށްދޭ ކަމަށް އެސިސްޓެންޓް ކޮމިޝަނަރު އަހުމަދު ޝިފާން ވިދާޅުވެއްޖެ އެވެ.
ސިހުރު "ހެދި" ކަމުގައި ހައްޔަރުކޮށްފައިވާ ްއެންވަޔަރަމަންޓް މިނިސްޓްރީގެ ކުރީގެ ސްޓޭޓް މިނިސްޓަރު ފާތިމަތު ޝަމްނާޒް އަލީ ސަލީމްގެ ދަރިފުޅަަށް ގާތުން ދޭން ފުރުސަތު ނުދޭ ކަމަށް ބުނެ މީޑިއާތަކުން ފެތުރި ވާހަކަތަކެއް ދޮގުކޮށް ޝިފާން ވިދާޅުވީ ފުލުހުންގެ ބަންދުގައި ތިބޭ ފަރާތްތަކަށް ބޭނުންވާ އަސާސީ ޙައްގުތައް އަބަދުވެސް އުސޫލުތަކުގައިވާ ގޮތަށް އެ ފަރާތްތަކަށް ޔަޤީންކޮށްދޭ ކަމަށެވެ.
އެގޮތުން އުސޫލުގެ ދަށުން ދަރިފުޅަށް ގާތުން ދިނުމުގެ ފުރުސަތު ހަމަޖެހިފައިވާ ކަމަށް ވިދާޅުވި އެވެ.
ރައީސް ޑރ. މުހައްމަދު މުއިއްޒަށް ސިހުރު ހެދިކަމުގެ ތުހުމަތުގައި ޝަމްނާޒާއި އިތުރު ދެ މީހަކު ހައްޔަރުކުރީ މިދިޔަ ހަފުތާގެ އާދީއްތަ ދުވަހު އެވެ. އަދި އެ މީހުންގެ ބަންދަށް 7 ދުވަސް ޖަހާފައިވެ އެވެ.
ޝަމްނާޒަކީ މިހާރު ބަލަމުން އަންނަ މައްސަލައަކާ ގުޅިގެން ސަސްޕެންޑްކޮށްފައިވާ ރައީސް އޮފީހުގެ މިނިސްޓަރު އާދަމް ރަމީޒުގެ ކުރީގެ އަންހެނުންނެވެ.