އިންޓާނަލް އޮޑިޓް ކޮންފަރެންސް އަންނަ މަހު

ދައުލަތުގެ އިންޓާނަލް އޮޑިޓް ކޮންފަރެންސް އަންނަ މަހު ބާއްވަން ފިނޭންސް މިނިސްޓްރީން ތައްޔާރުވެއްޖެ އެވެ.

ދައުލަތުގެ އިދާރަތަކާއި ކައުންސިލްތަކަށް ހާއްސަކޮށްގެން ބާއްވާ ކޮންފަރެންސް އޮންނާނީ އަންނަ މަހުގެ 3 އާއި 4 ގައި އިސްލާމީ މަރުކަޒުގެ ހޯލްގަ އެވެ.

ކޮންފަރެންސްގައި 180 ފަރާތަކުން ބައިވެރިވާނެ އެވެ. ކޮންފަރެންސްގެ ތީމަކީ "ޝޭޕިން ގަވަނަންސް: އިންޓާނަލް އޮޑިޓް ފޮ ޕަބްލިކް ސެކްޓަ ޓްރާންސްފޮމޭޝަން"

ދައުލަތުގެ އިންޓާނަލް އޮޑިޓަކީ ދައުލަތުގެ ނަމުގައި ހިނގަމުންދާ އެކައުންޓްތަކާއި ފަންޑުތަކާއި، ދައުލަތުގެ މާލީ ހިސާބުތަކުގެ ޞައްޙަކަން ކަށަވަރު ކުރުމަށްޓަކައި ދައުލަތުގެ މާލިއްޔަތުގެ ގަވާއިދުގެ ދަށުން ބާރުލިބިގެން މާލީ ވުޒާރާއިން ޤާއިމުކޮށްފައިވާ ނިޒާމެކެވެ. ދައުލަތުގެ މުދަލާއި ފައިސާ އަދި ލިޔެކިޔުންތއް ބަލަހައްޓައި، ކަންކަން ކުރިއަށް އަންނަނީ މާލިއްޔަތު ޤަވާއިދާއި އެއްގޮތަށްތޯ ބެލުމަކީ އިންޓާނަލް އޮޑިޓް ކޮމިޓީގެ ޒިންމާއެކެވެ.

މިއީ އިންޓާނަލް އޮޑިޓް ކޮންފަރެންސް ބާއްވާ ދެވަނަ ފަހަރެވެ. މިދިޔަ އަހަރުގެ ކޮންފަރެންސްގައި 200 ފަރާތަކުން ބައިވެރިވެ އެވެ.