ކީރިތި ޤުރުއާނާ ބެހޭ މަރުކަޒު ހިންގުމަށް ހާއްސަ ބިނާއެއް ގާއިމުކުރަން ގަމަޖެހިފައިވާ ކަމަށް އިސްލާމިޖް މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅިވެއްޖެ އެވެ.
ޤުރުއާން ކިޔެވުމުގެ 36 ވަނަ ޤައުމީ މުބާރާތް އިފުތިތާހު ކުރަން ރޭ ބޭއްވި ޖަލްސާގައި މިނިސްޓަރު ވިދާޅުވީ ކީރިތި ގުރުއާނާ ބެހޭ މަރުކަޒު މިހާރު ހިންގަމުން އަންނަނީ ސަލްމާން މިސްކިތުގައިކަމަށެވެ. ނަމަވެސް ރައީސް ޑރ. މުހައްމަދު މުއިއްޒުގެ ސަރުކާރުގެ މި ދައުރުގެ ތެރޭގައި އެ މަރުކަޒު ހިންގުމަށް ހާއްސަ ބިނާއެއް ހަދަން ނިންމާފައިވާ ކަމަށެވެ.
"އަޅުގަނޑުގެ ވެރިންނަށް ވެސް ދަރިވަރުންނަށްވެސް ޔަގީންކަން އަރުވާނީ އިރާދަކުރެއްވިއްޔާމު ކީރިތި ޤުރުއާނާ ބެހޭ މަރުކަޒަށް ހާއްސަ ބިނާއެށް ދިވެހި ރާއްޖޭގައި ގާއިމްކުރުމުގެ މި މަސައްކަތާބެހޭ ގޮތުން އިއްޒަތްތެރި ރައީސުލްޖުމްހޫރިއްޔާ އާއި އަޅުގަނޑުމެން މަޝްވަރާ ކުރާނަން،" މިނިސްޓަރު ވިދާޅުވި އެވެ. "އިރާދަކުރެއްވިއްޔާ މި ވެރިކަމުގެ ދައުރުގެ ތެރޭގައި ކީރިތި ޤުރުއާނާއި ބެހޭ ހާއްސަ ބިނާއެއް ދިވެ ހިރާއްޖޭގައި ގާއިމް ކުރެވޭތޯ ފުރިހަމަ ޔަގީންކަން އަރުވަން."
ކީރިތި ޤުރުއާނާ ބެހޭ މަރުކަޒުގެ ގޮފިތަކެއް ބައެއް އަތޮޅުތަކުގައި ވެސް ހިންގަ އެވެ.