ކީރިތި ޤުރުއާނާއި ބެހޭ މަރުކަޒުގައި ޤުރުއާން ހިފްޒު ކުރަމުން އަންނަ ދަރިވަރުންގެ ތެރެއިން މަހަކު ތިން ފޮތަށް ވުރެ ގިނައިން ހިތުދަސް ކުރާ ދަރިވަރުންނަަށް ޕޮކެޓު މަނީއެއް ދޭން ނިންމާފައިވާ ކަމަށް އިސްލާމިކް މިނިސްޓަރު ޑރ. މުހައްމަދު ޝަހީމު އަލީ ސައީދު ވިދާޅުވެއްޖެ އެވެ.
މިއަދު ކިޔެވުން ފެށީ 36 ވަނަ ގައުމީ ޤުރުއާން މުބާރާތް އިފުތިތާހު ކުރަން ބޭއްވި ރަސްމިއްޔާތުގައި މިނިސްޓަރު ވިދާޅުވީ ޤުރުއާން ހިތުދަސް ކުރުމަކީ ވަރަށް މާތް ކަމެއް ކަމަށާއި އެ ބުރަ މަސައްކަތް ކުރާ ދަރިވަރުންގެ އަގުވަޒަންކޮށް ހިތްވަރު ދިނުމަކީ ވަރަށް މުހިއްމު ކަމެއް ކަމަށެވެ.
"[އެހެންވެ] އިރާދަކުރެއްވިއްޔާ މި އަންނަ އަހަރުން ފެށިގެން ކޮންމެ މަހަކު ތިން ފޮތަށް ވުރެ ގިނައިން ދަސް ކުރާ ކުދިންނަށް ހާއްސަ ޕޮކެޓު މަނީއެއް އަޅުގަނޑުމެން ފޯރުކޮށް ދޭނަން." ޝަހީމު ވިދާޅުވި އެވެ.
މިނިސްޓަރު ވަނީ ޤުރުއާން ޤުރުއާން ހިފްޒުކުރުމުގެ މަޝްރޫއުތައް ކުރިއަށް ވުރެ ވަރުގަދަކޮށް ހިންގަވާނެކަމުގެ ޔަޤީންކަން ވެސް ދެއްވައިފަ އެވެ.