ބޮލީވުޑްގެ ބަތަލާ ސޮނާކްޝީ ސިންހާގެ ފުރަތަމަ ހޮރޯ-ކޮމެޑީ "ކަކުޑާ" އަންނަ މަހުގެ 12 ގައި ގެނެސްދޭން ނިންމައި، ފިލްމުގެ ޕޯސްޓްރުތަކެއް އާންމުކޮށްފި އެވެ.
ސިނަމާތަކުގެ ބަދަލުގައި މި ފިލްމު ބެލުންތެރިންނަށް ދޫކޮޮށްލަން ހަމަޖެހިފައި ވަނީ ޒީ5 އިން ޑިޖިޓަލް ޕްރީމިއާއެއްގެ ގޮތުގަ އެވެ.
މި މަހުގެ 7 ގައި ރިލީޒްކޮށް ބޮކްސް އޮފީހުގައި ވަރުގަދަ ވިޔަފާރިއެއް ކުރި ހޮރޯ-ކޮމެޑީ "މުންޖިއާ" ގެ ޑައިރެކްޓަރު އަދިތިޔާ ސަރްޕޯޓްދަރު ޑައިރެކްޓްކޮށްފައިވާ "ކަކުޑާ" އިން ސޮނާކްޝީއާ އެކީ ފެންނާނެ ތަރިންގެ ތެރޭގައި ރިތޭޝް ދޭޝްމިކާއޮ ސާގިގް ސަލީމްގެ އިތުރުން އާސިފު ޚާން ހިމެނެ އެވެ.
"ކަކުޑާ" އަކީ ކައިވެންޏަށް ފަހު ބެލުންތެރިންނާ ހަމައަށް އަންނަ ސޮނާކްޝީގެ ފުރަތަމަ ފިލްމެވެ. އޭނަ އާއި އެކްޓަރު ޒަހީރު އިގްބާލް ކައިވެނިކުރީ މި މަހުގެ 23 ގަ އެވެ.
ސޮނާކްޝީ އެންމެ ފަހުން ފެނިފައި ވަނީ މިދިޔަ މަހު ނެޓްފްލިކްސް އިން ގެނެސްދިން މަގުބޫލު ވެބް ސީރީޒް "ހީރާމަންޑީ: ދަ ޑައިމަންޑް ބާޒާރު" އިންނެވެ.