އޮޔާ ދަނިކޮށް ނެގި ފުޅިތަކެއްގައި ހުރި އެއްޗެއް ބޮއެގެން ސްރީ ލަންކާގެ ހަތަރު މަސްވެރިޔަކު، މަރުވެ އިތުރު ދެ މީހެއްގެ ހާލު ދެރަވެވެގެން ފަރުވާ ދޭން ފަށައިފި އެވެ.
މީޑިއާތަކުން ބުނީ އެ މަސްވެރިން ކަނޑުމަތީގައި އުޅެނިކޮށް އޮޔާ ދަނިކޮށް ނެގި ފުޅިތަކުގައި ހުރީ ސީދާ ކޯޗެއްކަން ސާފުނުވާ ކަމަށެވެ. އެ ފުޅިތައް "ދޭވޯން" ކިޔާ އުޅަނދެއްގައި މަސްވެރިކަން ކުރަން އުޅުނު މަސްވެރިންނަށް އެ ފުޅިތައް ފެނުނީ ލަންކާގެ ދެކުނު އައްސޭރީގެ ސަރަހައްދެއް ކަމަށްވާ ޓަންގަލޭގެ 320 މޭލު ބޭރުންނެވެ.
މި ހާދިސާއާ ގުޅިގެން ލަސްކާގެ ކަނޑުގެ ސިފައިން މީޑިއާތަކަށް ބުނެފައި ވަނީ މަސްވެރިންނަށް ކަނޑުމަތިން ފެނުނު ފުޅިތަތަކުގައި ނުރައްކާތެރި މާއްދާތަކެއް އެކުލެވޭ ބަނގުރާ ކަމަށް ބެެލެވޭ ކަމަށެވެ.
ލަންކާގެ ޑިޕާޓްމަންޓް އޮފް ފިޝަރީޒް އެކްއޭޓިކް ރިސޯސެސްގެ ޑިރެކްޓަރު ޖެނެރަލް ސުސަންތާ ކަތަވައްޓޭ ވިދާޅުވީ މިކަން އިތުރަށް ބަލަމުން އަންނަ ކަމަށެވެ. އޭނަ ވިދާޅުވީ މައުލޫމާތު ލިބިފައިވާ ގޮތުގައި މަސްވެރިންތަކެއް ބުއި ފުޅިތަކަކީ މަސްވެރިންތަކެއް އަމިއްލަ އަށް ތައްޔާރުކޮށްފައިވާ ބަނގުރާ ކަމަށެވެ. އަދި އެ ސަރަހައްދުގެ އެހެން މަސްވެރިންނަށް ވެސް އެ ބަހާފައިވާކަމުގެ ލިބިފައިވާ ކަމަށް ވިދާޅުވި އެވެ.
އެހެންވެ ފުޅިތަކަށް ސަމާލުވާން މަސްވެރިންނަށް މިހާރު އަންގާފައިވާނެ ކަމަށް ވެސް ސުސަންތާ ވިދާޅުވި އެވެ.