ބޭންކް އޮފް މޯލްޑިވްސް (ބީއެމްއެލް) ގެ ހާއްސަ އާންމު ޖަލްސާ އަންނަ މަހުގެ 20 ގައި ބާއްވަން ނިންމައިފި އެވެ.
މިކަމާ ގޮތުން ގައުމީ ބޭންކުން އެ ޖަލްސާ އަށް ހުރިހާ ހިއްސާދާރުންނަށް ދައުވަތު އަރުވާ ކަމަށެވެ. އެ ޖަލްސާ އޮންނާނީ އެ ދުވަހުގެ ހެނދުނު 10:00 ގައި މޯލްޑިވްސް ސެކިއުރިޓީ ޑިޕޮޒިޓް (އެމްއެސްޑީ) ގެ އޮންލައިން މީޓިން މެނޭޖްމަންޓް ސިސްޓަމް "ފަހިވޯޓް" މެދުވެރިކޮށެވެ.
ބީއެމްއެލް އިން ބުނީ ހާއްސަ އާންމު ޖަލްސާގައި ބައިވެރިވެވޭނީ އަންނަ މަހުގެ 11 ގެ ނިޔަލަށް ދަފުތަރުގައި ރަޖިސްޓްރީ ވެފައިވާ ހިއްސާދާރުންނަށް ކަމަށެވެ.
އެ ޖަލްސާގެ އެޖެންޑާގައި ހިމެނެނީ 40 ވަނަ އަހަރީ އާންމު ޖަލްސާގެ ޔައުމިއްޔާ ފާސްކުރުމާއި ޑިރެކްޓަރުންގެ ބޯޑަށް އާންމު ހިއްސާދާރުންގެ ފަރާތުން މެންބަރަކު އިންތިހާބު ކުރުން ކަމަށެވެ.
ޖަލްސާގައި ބައިވެރިވާން ބޭނުންވާ ހިއްސާދާރުންނަށް އަންނަ މަހުގެ 3-18 އާ ހަމައަށް ރަޖިސްޓްރީވުމުގެ ފުރުސަރި އޮންނާނެ ކަމަށް ބީއެމްއެލް އިން ބުންޏެވެ.