އޭ ލެވެލް އަށް މާލޭގައި ކުރިން ކިޔަވައި ދެމުން ދިޔަ ސީއެޗްއެސްއީގެ އިމާރާތުގައި އަލުން އޭ ލެވެލް އަށް ކިޔަވައިދޭން ނިންމާފައިވާ ކަމަށް އެޑިއުކޭޝަން މިނިސްޓަރު ޑރ. އިސްމާއިލް ޝަފީއު ވިދާޅުވެއްޖެ އެވެ.
ފޭސްބުކް ޕޯސްޓެއްގައި މިނިސްޓަރު މިއަދު ވިދާޅުވީ މާލޭގައި އޭ ލެވެލަށް ކިޔަވައިދޭނެ ސަރުކާރުގެ ސްކޫލެއް ނެތުމުން އެކަމުގެ ދަތިކަން ގިނަ ދަރިވަރުންނަށާއި ބެލެނިވެރިންނަށް ވެސް ފޯރަމުންދާ ކަމަށެވެ. އެހެންވެ އެކަމަށް ހައްލެއް ހޯދައި ދިނުމުގެ ގޮތުން މި އަހަރުގެ ސެޕްޓެމްބަރުގައި އޭ ލެވެލްގެ ކުޔެވުން ފަށާ އިރު، އަމީނިއްޔާ ސްކޫލާ އިންވެހެން ހުންނަ ސީއެޗްއެސްސީގެ ކުރީގެ އިމާރާތުގައި ކިޔެވެމުގެ އިންތިޒާމު ހަމަޖަހިގެން ދާނެ ކަމަށެވެ.
" ރަމާލޭގައި ސަރުކާރުގެ އޭ ލެވެލް ސްކޫލެއް ހުޅުވުމުން މާލެއިން ހުޅުމާލެއަށް ދަތުރުކުރާ އޭލެވެލް ދަރިވަރުންގެ އަދަދު މަދުވާނެ. އަދި، ގާތުން ތައުލީމު ފޯރުކޮށް ދިނުމުގެ ސިޔާސަތު ތަންފީޒު ކުރެވި، އޭ ލެވެލްގެ ތައުލީމަށް ސަރުކާރުން ކުރާ ހޭދަ ވެސް މީހާރަށް ވުރެ ކުޑަކުރެވޭނެ." މިނިސްޓަރު ވިދާޅުވި އެވެ. "ކައިރި މުސްތަގުބަލެއްގައި އޭލެ ވެލް ކިޔަވައިދުމަށް މުޅިން އާއިމާރާތެއް ވެސް މާލޭގައި ބިނާކުރެވޭނެ."
މިނިސްޓަރު ވިދާޅުވީ މާލޭގައި އޭ ލެވެލް ސްކޫލެއް ހުޅުވުމުގެ ސަބަބުން ހުޅުމާލޭގައި މިހާރު ހިންގަމުން އަންނަ ސީއެޗްއެސްސީ އަށް އެއްވެސް ބަދަލެއް ނާންނާނެ ކަމަށެވެ.
ސީއެޗްއެސްއީގެ ކުރީގެ އިމާރާތުގައި ކިޔަވައި ދިނުން ހުއްޓަިލީ ހުޅުމާލޭގައި އިމާރާތް ކުރި ސީއެޗްއެސްއީގެ އާ އިމާރާތް ހުޅުވުމުންނެވެ.
އެހެންވެ އޭގެ ފަހުން މާލޭގައި ސީއެޗްއެސްއީ ހިންގި އިމާރާތް މަރާމާތު ކުރުމަށް ފަހު އަމީނިއްޔާގެ ބައެއްގެ ގޮތުގައި އެ ސްކޫލަށް ދޭން އެޑިއުކޭޝަނުން ނިންމި އެވެ. ދޭށެވެ. އެއީ އެ ސްކޫލް އެއް ދަންފަޅީގެ ސްކޫލަކަށް ބަދަލު ކުރުމުގެ ގޮތުންނެވެ.