މަސް ގަންނާނެ އާ އަގުތައް އިއުލާންކޮށްފި

މިއަދުން ފެށިގެން މަސްވެރިންގެ އަތުން މަސް ގަންނާނެ އާ އަގުތައް މިފްކޯ އިން އިއުލާންކޮށްފި އެވެ.

އާ އަގުތައް އިއުލާންކޮށްފައި މި ވަނީ ޖުލައި 1 އިން ފެށިގެން މަސް ގަންނާނީ ބައިނަލްއަގުވާމީ ބާޒާރުގައި ގަނޑުކުރި ކަޅުބިލަ މަހުގެ އަގު ހުރި މިންވަރަށް މަސް ގަނެ އެކްސްޕޯޓު ކުރުމަށް ހިނގާނެ ހަރަދުތަކަށް ބަލައިގެން ކަމަށް މިފްކޯ ބުނުމަށް ފަހު އެވެ.

މިފްކޯ އިން އެގޮތަށް ނިންމީ ކުންފުންޏަށް މި ވަގުތު ދިމާވެފައި މާލީ ދަތިތަކާ އެކީ ހަރަދުތައް ވެސް ކުޑަކުރަން އަޅާ ފިޔަވަޅެއްގެ ގޮތުގަ އެވެ.

ފިނިކުރި މަސް ގަންނަ އަގު:

* 1.5 ކިލޯއަށް ވުރެ ބަރު މަސް: ކިލޯއެއް 16ރ.
* 1.5 ކިލޯ ހަމަނުވާ މަސް: ކިލޯއެއް 7ރ.

ފިނިނުކުރާ މަސް ގަންނަ އަގު:

* 1.5 ކިލޯއަށް ވުރެ ބަރު މަސް: ކިލޯއެއް 14ރ.
* 1.5 ކިލޯ ހަމަނުވާ މަސް: ކިލޯއެއް 5ރ.

މި އަހަރުގެ ފެބްރުއަރީން ފެށިގެން މިފްކޯ އިން މަސް ގަންނަމުން އައީ ކިލޯއެއް 20ރ. އަށެވެ. އެގޮތަށް ނިންމީ ކުރީގެ ސަރުކާރުން މިދިޔަ އަހަރުގެ ރިޔާސީ އިންތިހާބުގެ ތެރޭގައި މަސް ކިލޯއެއްގެ އަގު 17ރ. އިން 25ރ. އަށް ބޮޑުކޮށްފައި ވަނިކޮށެވެ.