ލާމަރުކަޒީ ނިޒާމަށް ބަދަލުތަކެއް ގެންނާނެ ކަމަށާއި ނަމަވެސް އެކަން ކުރާނީ ގައުމީ ޔުނިވަސިޓީން ހަދާ ރިސާޗާއި އާންމުންގެ ޚިޔާލަށް ބެލުމަށް ފަހުގައި ކަމަށް ސިޓީތަކާއި އިދާރީ ދާއިރާތައް ހިންގުމާ ބެހޭ މިނިސްޓަރު އާދަމް ޝަރީފު ޢުމަރު ވިދާޅުވެއްޖެއެ ވެ.
މިނިސްޓަރ ވިދާޅުވީ އެ ނިޒާމަށް ބަދަލުގެ ންނަން ވާނީ ނިޒާމުގައި ހުރި ގިނަ މައްސަލަތަކަށް ހެޔޮ ބަދަލު ގެނެވޭ ގޮތަށް ކަމަށެވެ. އެގޮތުން ޔުނިވަސިޓީން ހަދާ ރިސާޗަށް، ރައްޔިތުންގެ މަޖިލީހާއި، އާންމުންގެ ޚިޔާލާއި، ތަޖުރިބާކާރުންގެ ލަފާ ވެސް ހޯދައި ޤާނޫނަށް އިޞްލާޙް ހުށައެޅުން މުހިންމު ކަމަށް މިނިސްޓަރު ވިދާޅުވި އެވެ.
އާދަމް ޝަރީފު ވިދާޅުވީ ދުނިޔޭގެ އެކި ޤައުމުތަކުގައި ލާމަރުކަޒީ ނިޒާމުގެ ތަފާތު މޮޑެލްތަކެއް އެބަހުރި ކަމަށާއި ރައްޔިތުންގައި ނިޒާމަށް މިހާރަށް ވުރެ ރަނގަޅު، ހަރުދަނާ، ހެޔޮ ބަދަލުތަކެއް ގެންނަ އިރު، އެ ހުރިހާ ކަންކަމަކަށް ރިއާޔަތްކުރުން ވެސް ވަރަށް މުހިންމު ކަމަށެވެ.
ރާއްޖޭގައި ލާމަރުކަޒީ ގާނޫނަށް އަމަލު ކުރަމުން އަންނަނީ 2008 ގައި ބޭއްވި ރިޔާސީ އިންތިހާބުގެ ފަހުންނެވެ.