ޕްރޮސެކިއުޓާ ޖެނެރަލް (ޕީޖީ) ހުސައިން ޝަމީމު އިސްތިއފާ ދިނުމަށާއި އަދި އޭނަ މަގާމުން ވަކި ވެސް ކުރަމަށް ގޮވާލައި ރައްޔިތުންގެ މަޖިލީހުގެ އިދާރާ ކުރިމަތީގައި މިއަދު މުޒާހަރާކޮށްފި އެވެ.
މުޒާހަރާގެ ބައިވެރިން ވަނީ ޕީޖީ ޝަމީމަކީ ކުރީގެ ސަރުކާރުގައި އެތަކެއް ލާއިންސާނީ އަމަލުތަކެއް ހިންގާފައިވާ މީހެއް ކަމމަޡާއި އޭނަ އަކީ ޑީލް ހައްދައިގެން އުޅުއްވާ ބޭފުޅެއް ކަމަށް ވެސް ތުހުތުމަކޮށްފަ އެވެ. އަދި ޝަމީމަކީ އިސްލާމް ދީނަށް ފުރައްސާރަކުރާ ޖަމިއްޔާއެއް ކަމަށްވާ މޯލްޑިވްސް ޑިމޮކްރަސީ ނެޓްވޯކް (އެމްޑީއެން) އާ ގުޅުން އޮންނަ މީހެއް ކަމަށް ވެސް މުޒާހަރާގެ ބައިވެރިން ބުނެފައިވެ އެވެ.
އެހެންވެ އެފަދަ މީހަކު ޕީޖީގެ މަގާމުގައި ބަހައްޓަން ބޭނުންނުވާ ކަމަށާއި އޭނަ މިހާރުން މިހާރަށް އިސްތިއުފާ ދޭންޖެހޭ ކަމަށް ގޮވާފައިވެ އެވެ.
މުޒާހަރާގެ ބައިވެރިން ވަނީ ރައީސް ޑރ. މުހައްމަދު މުއިއްޒުގެ ރިޔާސީ ވައުދެއް ކަމަށްވާ ވާނުވާ ބަންދު އުވާލުން އަވަސްކުރަން ވެސް މުޒާހަރާގެ ގޮވައިފަ އެވެ. އަދި ކ. މާފުށީ ޖަލުގައި ޝަރީއަތް ނިމެންދެން ބަންދުކޮށްފައި ހުއްޓައި މިދިޔަ ހުކުރު ދުވަހު މަރުވި މުހައްމަދު ޖަލީމުގެ މަރާ ގުޅިގެން ވެސް މުޒާހަރާގެ ބައިވެރިން ކަންބޮޑުވުން ފާޅުކޮށް އަޑު އުލާފައިވެ އެވެ.