ބޮލީވުޑްގެ ބަތަލާ ކަރީނާ ކަޕޫރްގެ އާ ފިލްމު "ދަ ބަކިންހަމް މާޑާސް" މި އަހަރުގެ ސެޕްޓެމްބަރު 13 ގައި ރިލީޒްކުރަން ނިންމައި އޭގެ ޕޯސްޓަރުތަކެއް ދައްކާލައިފި އެވެ.
މި ފިލްމަކީ އެކްތާ ކަޕޫރް ޕްރޮޑިއުސްކޮށް، ހެންސަލް މެހެތާ ޑައިރެކްޓްކޮށްފައިވާ ކްރައިމް ތުރިލާއެކެވެ. "ދަ ބަކިންހަމް މާޑާސް" ގައި ކަރީނާ ކުޅެފައި ވަނީ ބަކިންހަމްގައި ހިންގާ ކުޑަކުއްޖެއްގެ ގަތުލެއްގެ ހަގީގަތް ހޯދަން މަސައްކަތްކުރާ އިންޑިއާ ދަރިކޮޅުގެ އިނގިރޭސި ޑިޓެކްޓިވެއްގެ ރޯލެވެ.
ދެހާސް ބާވީހުގެ ތެރޭގައި ޝޫޓިން ނިންމާފައި އޮތް "ދަ ބަކިންހަމް ޕެލަސް" އަކީ ކުޅަދާނަ ޑައިރެކްޓަރު ހެންސަލްއާ އެކީ ކަރީނާ މަސައްކަތްކުރި ފުރަތަމަ ފިލްމެވެ. "ޝާހިދު" އާއި "ސިޓީ ލައިޓްސް" އާއި "އަލީގަޅް" އަދި "އޮމެރުތާ" ފަދަ ފިލްމުތައް ގެނެސްދިން ހެލްސަލްގެ އެންމެ ފަހުގެ ފިލްމަކީ 2022 ގެ ބައޮގްރަފިކަލް ހޮރޯ ތުރިލާ "ފަރާޒް" އެވެ.
"ދަ ބަކިންހަމް މާޑާސް" އަކީ މި އަހަރު ރިލީޒްވާ ކަރީނާގެ ދެވަނަ ފިލްމެވެ. މި އަހަރު ރިލީޒްވި އޭނަގެ ފުރަތަމަ ފިލްމަކީ މާޗްގައި ރިލީޒްކޮށް، ބޮޑު ތަރުހީބެއް ލިބުނު ހެއިސްޓް ކޮމެޑީ "ކްރޫ" އެވެ.