އައްޑޫ ޕޯޓް ނުވަތަ ސަރަހައްދީ ބަނދަރުގެ ސަލާމަތީ ކަންކަމާ ގުޅޭ ގޮތުން މިއަދު މަޝްވަރާކޮށްފި އެވެ.
މި މަޝްވަރާ ކުރިއަށް ގެންދިޔައީ ހިތަދޫ ޕޯޓް ލިމިޓެޑް (އެޗްޕީއެލް) އާއި އެމްއެންޑީއެފާ ދެމެދު އެވެ. ސަދަން ކޮމާންޑްގެ ފަރާތުން މަޝްވަރާގައި އިސްކޮށް ހުންނެވީ ކޮމާންޑަރު ކާނަލް މުޙައްމަދު ޖަމްޝާދެވެ.
މި މަޝްވަރާ ބައްދަލުވުމާ ގުޅޭ ގޮތުން އެމްއެންޑީއެފުން ބުނީ މިއީ ޕޯޓްގެ ސަލާމަތާއި ރައްކާތެރިކަން ހަރުދަނާކޮށް ބެެލެހެއްޓުމުގައި ދެ ފަރާތުން ގުޅިގެން މަސައްކަތް ކުރުމާ މެދު ބޭއްވުނު މަޝްވަރާއެއް ކަމަށެވެ.
އެ ބައްދަލުކުރެއްވުމުގައި ސަދަން އޭރިއާ ކޮމާންޑްގެ ޑެޕިއުޓީ ކޮމާންޑަރު ލެފްޓިނެންޓް ކާނަލް އިބްރާހީމް ޙަލީމާއި ސްޓާފް އޮފިސަރުންގެ އިތުރުން އެޗްޕީއެލްގެ އިސްވެރިން ބައިވެރިވެވަޑައިގެންނެވި އެވެ.
ހިތަދޫ ޕޯޓް ހިންގާ އެޗްޕީއެލް އަކީ މޯލްޑިވްސް ޕޯޓްސް ލިމިޓެޑް (އެމްޕީއެލް) ގެ ދަށުން ހިންގަމުން އަންނަ ކުންފުންޏެކެވެ.