މަސައްކަތްތަކަށް ޒުވާނުން ބިނާކުރަން ރޯޑު ޑިވެލޮޕްމެންޓު ކޯޕަރޭޝަން (އާރުޑީސީ) އިން ކުރިއަށް ގެންދާ "ބިނާވެހި" ޕްރޮގްރާމުގެ ދެވަނަ ބުރު މިއަދު ފަށައިފި އެވެ.
އެގޮތުން ދެވަނަ ބުރުގައި ހަބައިވެރިން ހިމެނެ އެވެ. ހަ މަސް ދުވަހަށް ކުރިއަށް ގެންދާ ޕްރޮގްރާމްގެ ތެރޭގައި ބައިވެރިވާ މަހަކު 5000ރ. ގެ އެލަވަންސެއް ވެސް ލިބޭނެ އެވެ.
"ބިނާވެހި" ޕްރޮގްރާމަކީ ސާނަވީ އިމްތިހާނަށް ފަހު މަތީ ސާވަނީ ތަޢުލީމު ފެށުމާ ދޭތެރޭ ނުވަތަ މަތީ ސާނަވީ އިމްތިހާނަށް ފަހު ކޮލެޖްތަކުގައި ކިޔަވަމުން އަންނަ ދަރިވަރުންނަށް ނުވަތަ ތަޢުލީމު ދޭ މަރުކަޒުތަކަށް ހާޒިރު ނުވާ ޒުވާނުންނަށް އެކި ދާއިރާތަކުން މަސައްކަތުގެ ހުނަރާއި ތަމްރީނު އަދި ތަޖުރިބާހުރި ފަރާތްތަކާއެކު މަސައްކަތް ކުރުމުގެ ފުރުޞަތު ހޯދައިދިނުމުގެ ގޮތުން ކުރިއަށް ގެންދާ އެޕްރެންޓިންސް ޕްރޮގްރާމެކެވެ.
އާރްޑީސީގެ "ބިނާވެހި" ޕްރޮގްރާމްގެ ފުރަތަމަ ބުރުގައި 11 ޒުވާނަކު ބައިވެރިވެ، ޕްރޮގްރާމް ފުރިހަމަކޮށްފައި ވަނީ ފަސް ބައިވެރިއެކެވެ. އެ ބައިވެރިންނަށް ސެޓްފިކެޓް ދިނީ މިދިޔަ މަހުގެ ކުރީކޮޅު އެވެ.