ކުޑަކުދިންނަށް އުނގެނުމުގެ ހައްގު ކަށަވަރުކޮށް ދިނުމަށް ބޭނުންވާ މައުލޫމާތު ބަދަލުކުރުމާ ގުޅޭ ގޮތުން އެޑިޔުކޭޝަން މިނިސްޓްރީ އާއި ޑިޕާޓްމަންޓް އޮފް ނެޝަނަލް ރެޖިސްޓްރޭޝަން ޑީއެންއާރް) އާ ދެމެދު އެއްބަސްވުމެއްގައި ސޮއިކޮށްފި އެވެ.
މިނިސްޓްރީގައި އިއްޔެ ބޭއްވި ރަސްމިއްޔާތެއްގައި މިނިސްޓްރީގެ ފަރާތުން އެއްބަސްވުމުގައި ސޮއިކުރެއްވީ ސްޓޭޓް މިނިސްޓަރު ޑރ. އަހުމަދު މުހައްމަދެވެ. ޑީއެންއާރްގެ ފަރާތުން ސޮއިކުރެއްވީ ޑެޕިއުޓީ މިނިސްޓަރު އަހުމަދު އަލީ އެވެ.
އެޑިއުކޭޝަން މިނިސްޓްރީން ބުނީ، މި އެއްބަސްވުމުގެ މައިގަނޑު މަގުސަދަކީ ތައުލީމުގެ ގާނޫނު ގެ 6 ވަނަ މާއްދާގެ (ހ) ގެ 1 ވަނަ ނަންބަރުގައި ބަޔާންކޮށްފައިވާ ގޮތުގެ މަތިން ކުޑަކުއްޖެއްގެ އުމުރުން 4 އަހަރު ފުރުނީއްސުރެ، އުމުރުން 18 އަހަރު ފުރެންދެން ނުވަތަ ޕްރީސްކޫލުން ފެށިގެން ގްރޭޑް 12 ނިމެންދެން ތައުލީމު ލިބުމުގެ ހައްގު ކަށަވަރުކޮށް ދިނުމަށްޓަކައި، ޑީއެންއާރް އން ބޭނުންވާ މައުލޫމާތު ފަސޭހަކަމާއެކު ލިބޭނެ އިންތިޒާމްތައް ހަމަޖެއްސުމާއި އެ އިންތިޒާމްތައް ހަމަޖެއްސުމުގައި ދެ އިދާރާގެ ޒިންމާތައް ކަނޑައެޅުން ކަމަށެވެ.