ބުރޫނާއީ ދާރުއްސަލާމުން ރާއްޖޭގެ 20 އިމާމަކު ތަމްރީން ކުރަން ހަމަޖެހިއްޖެ އެވެ.
އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ސޯޝަލް މީޑިއާ ޕޯސްޓެއްގައި ވިދާޅުވީ އެ 20 އިމާމުން ފުރާނީ މި މަހު 15 ގައި ކަމަށެވެ.
"މި ތަމްރީނު ޕްރޮގްރާމް އޮންނާނީ ބުރޫނާއިގެ ޤައުމީ އިސްލާމީ ޔުނިވަސިޓީ، ސުލްޠާން ޝަރީފް އިސްލާމިކް ޔުނިވަސިޓީގައި." މިނިސްޓަރު ވިދާޅުވި އެވެ.
ރާއްޖެއިން ބޭރުން އިތުރު ތަމްރީނު ލިބިގަތުމުގެ ފުރުޞަތުގެ ދަށުން، ބުރޫނާއި ދާރުއްސަލާމަށް ރާއްޖޭގެ 20 އިމާމަކު މި މަހު 15 ގައި ފުރާނެ. މިތަމްރީނު ޕްރޮގްރާމް އޮންނާނީ ބުރޫނާއި ގެ ޤައުމީ އިސްލާމީ ޔުނިވަރސިޓީ، ސުލްޠާން ޝަރީފް އިސްލާމިކް ޔުނިވަރސިޓީގަ އިންޝާ ﷲ. pic.twitter.com/u0bOplMmVg
— Mohamed Shaheem Ali Saeed (@Mohamedshaheem1) July 1, 2024
ދިވެހި އިމާމުންނަށް ތަމްރީނާއި ތަޖުރިބާ ހޯދައި ދިނުމަށް ތަމްރީން ދިނުމަށް ބްރޫނާއީގެ އިތުރުން ސައުދީ އަރަބިއްޔާ އާއި މިސްރާއި މެލޭޝިއާ އަދި އިންޑޮނޭޝިއާ އިން މި އަހަރު ދަތުރުތަކެއް ހަމަޖެހިފައިވާ ކަމަށް ޝަހީމް ވިދާޅުވެފައިވެ އެވެ.
އެ ގޮތުން މި އަހަރު އިމާމުންގެ ދެ ބެޗެއް ސައުދީ އަށް ފޮނުވައި ތަމްރީންތަކެއް ފޯރުކޮށް ދީފައިވެ އެވެ.