ދެކުނު ކޮރެއާގައި އުމުރުން ދުވަސްވީ މީހަކު ދުއްވި ކާރެއް ކޮމްޓްރޯލް ނުވެ ގޮސް، މަގުމަތީގައި ތިބި ބައެއްގެ ގައިގައި ޖެހި ހިނގި ނުރައްކާތެރި ހާދިސާއެއްގައި 9 މީހަކު މަރުވެއްޖެ އެވެ.
މީޑިއާތަކުން ބުނީ ރޭ 9:30 އެހާއިރު ސޯލްގެ ސިޓީ ހޯލް ކައިރީގައި އެ ހާދިސާ ހިނގީ ޓްރެފިކް ސްޓޮޕަކަށް ގިނަ ބަޔަކު މަޑުކޮށްލައިގެން ތިއްބައި ކަމަށެވެ. އެގޮތން އުމުރުން 60 ވަރަކަށް އަހަރުގެ މީހާ ދުއްވި ކާރު ކޮންޓްރޯލް ނުވެ، މީހުންގެ ގައިގައި ޖެހި ނުވަ މީހަކުވެ، އިތުރު ހަތަރު މީހަކަށް ލިބުނު ބޮޑެތި އަނިތާތަކަށް އަންނަނީ ހޮސްޕިޓަލްގައި ފަރުވާ ދެމުންނެވެ.
ބައެއް މީޑިއާތަކުން ބުނި ގޮތުގައި ކާރު ދުއްވާފައި ވަނީ ވެސް ނުބައި ފަޅިއަކުން ކަމަށާއި އެ ކާރު ކޮންޓްރޯލް ނުވެ އާންމުންގެ ތެރެއަށް ވަނުމުގެ ކުރިން ދެ ކާރެއްގައި ވެސް ޖެހިފައިވާ ކަމަށެވެ.
ހާދިސާގައި މަރުވި ނުވަ މީހުންގެ ތެރެއިން ހަ މީހަކު މަރުވީ ހާދިސާ ހިނގި ތަނުގަ އެވެ. އަނެއް ތިން މީހުން މަރުވީ ހޮސްޕިޓަލްގައި ފަރުވާ ދެމުން ދަނިކޮށެވެ.
ކާރު ދުއްވި މީހާ ހައްޔަރުކޮށް މިކަން މިހާރު އަންނަނީ އިތުރަށް ތަހުގީގު ކުރަމުންނެވެ.