އަޖޭ ދޭވްގަންގެ "ސަން އޮފް ސަރުދާރު" ގެ ދެވަނަ ބައިގެ ބަތަލާ އަކީ މުރްނާލް ތާކޫރް ކަމަށް ރިޕޯޓްރައް ބުނެފި އެވެ.
މީޑިއާތަކުން ބުނީ މި ފިލްމުގެ ޝޫޓިން މި އަަހަރުގެ ތެރޭގައި ފެށުމުގެ ތައްޔާރީތައް ވަމުން އަންނަ ކަމަށެވެ. އެގޮތުން "ސަން އޮފް ސަރުދާރު 2" ގެ ބަތަލާ އަކީ މުރްނާލް ކަމަށް މީޑިއާތަކުން ބުންޏެވެ. ނަމަވެސް އެކަން އަދި ފިލްމުގެ ޓީމުން ކަށަވަރުކޮށް ދީފައެއް ނުވެ އެވެ.
މި ފިލްމު ވާނީ އަޖޭއާ އެކީ ކުރިއަރަމުން އަންނަ ޒުވާން ބަތަލާ މަސައްކަތް ކުރާ ފުރަތަމަ ފިލްމަށެވެ.
ދެހާސް ބާރައިގައި ރިލީޒްކުރި "ސަން އޮފް ސަރުދާރު" ގެ ބަތަލާ އަކީ ސޮނާކްޝީ ސިންހާ އެވެ. އެ ފިލްމުގެ ކާސްޓްގައި ސަންޖޭ ދަތާއި ޖޫހީ ޗާވްލާ ވެސް ހިމެނެ އެވެ.
ބެލުންތެރިންގެ ބޮޑު ތަރުހީބެއް ލިބުނު "ސަން އޮފް ސަރުދާރު" އަކީ އަޝްވިނީ ދީރު ލިޔެ، ޑައިރެކްޓްކުރި އެކްޝަން ކޮމެޑީއެކެވެ. ނަމަވެސް މީގެ ދެވަނަ ބައި ޑައިރެކްޓްކުރަން ހަމަޖެހިފައި ވަނީ އަޖޭގެ 2014 ގެ "އެކްޝަން ޖެކްސަން" ކެމެރާކުރި ވިޖޭ ކުމާރު އަރޯރާ އެވެ.
މި އަހަރުގެ ނޮވެމްބަރުގައި ރިލީޒްކުރަން ހަމަޖެހިފައިވާ "ސިންގަމް އެގެއިން" ގެ މަސައްކަތް އަޖޭ މިހާރު ކުރަމުން އަންނަ އިރު، އޭގެ ޝޫޓިން ނިމުމުން ދެން އޭނަ މަސައްކަތް ފަށާނީ 2019 ގެ "ދޭ ދޭ ޕިޔާރު ދޭ" ގެ ސީކްއެލްގެ ޝޫޓިން އެވެ. އެ ފިލްމު ޝޫޓްކުރަން ހަމަޖެހިފައި ވަނީ އިނގިރޭސިވިލާތުގަ އެވެ.
އިންޑިއާގެ އެންމެ މަޝްހޫރު ފިލްމީ ތަރިންނާ އެކީ މަސައްކަތް ކުރުމުގެ ފުރުސަތު ފުލުފުލުގައި މިހާރު ލިބެމުން އަންނަ މުރްނާލް، 31، ގެ އެންމެ ފަހުގެ ފިލްމަކީ މިހާރު ސިނަމާތަކުގައި ބޮޑު ކާމިޔާބީއެއް ހޯދަމުން އަންނަ އަދި އޭނަ ގެ ހާއްސަ ފެނިލުމެއް ހިމެނޭ "ކަލްކީ: 2898 އޭޑީ" އެވެ.