އައްޑޫ މަސްވެރިނަށް ފައިސާ ނުލިބިގެން ހުޅުމީދޫގައި ހުންނަ މިފްކޯގެ ފިޝަރީޒް ކޮމްޕްލެކްސް (އޭއެފްސީ) ގެ އޮޕަރޭޝަންސް ހުއްޓުވާލައި އެ ތަނުގައި މަސްވެރިން މުޒާހަރާ ކުރި މުއްދަތުގެ ތެރޭގައި ތަން ބަހަލައްޓައި މުޒާހަރާގެ ހާލަތުގައި މުވައްޒަފުން އަދާކުރި ދައުރަށް މިފްކޯ ޝުކުރު އަދާކޮށްފި އެވެ.
އެ ކުންފުނިން މިއަދު ނެރުނު ބަޔާނެއްގައި ބުނީ މަސްވެރިން 10 ދުވަހަށް ކުރިއަށް ގެންދިޔަ މުޒާހަރާގެ ތެރޭގައި މިފްކޯގެ މެނޭޖްމަންޓާ ގުޅިގެން ފެސިލިޓީ ބެލެހެއްޓުމާއި މުޒާހަރާގެ ހާލަތު މެނޭޖް ކުރުމުގައި ލާމަސީލު ނަމޫނާއެއް ދައްކުވައި ދީފައިވާ ކަމަށެވެ.
"ވަރަށް ދަތި އުނދަގޫ ހާލަތެއްގައި މުޅި ކުންފުންޏާއި ކުންފުނީގެ މުދަލާއި މުވައްޒަފުންގެ މަސްލަހަތު އިސްކޮށް އަމިއްލަ އިސް ނެގުމަށް ހާލަތު ބުނެ ދިނުމާއި މުޒާހަރާގެ ބައިވެރިންނާ މުއާމަލާތް ކުރުމާއި ފެސިލިޓީ ބެލެހެއްޓުމާއި މެނޭޖްމަންޓާ ގުޅިގެން މުޅި ހާލަތި މެނޭޖް ކުރުމުގައި ވަނީ ލާމަސީލު ނަމޫނާ ދައްކާފައި." މިފްކޯ އިން ބުންޏެވެ.
އަދި އެއީ މަސްވެރިކަމުގެ މުޅި ސިނާއަތުގެ ހައްގުގައި އައްޑޫ ފިޝަރީޒް ކޮމްޕްލެކްސް އިން ކުރި މަަސައްކަތެއް ކަމަށާއި އެކަމުގެ އަގު ވެސް ވަންކުރާ ބުންޏެވެ.
"[އެެހެންވެ] މެނޭޖްމަންޓާއި ހުރިހާ މުވައްޒަގުމްނގެ ފަރާތުން ޝުކުރު ދަންނަަވަން." މިފްކޯ އިން ބުންޏެވެ.
ކިރުވި މަހަށް ފައިސާ ނުލިބިގެން އައްޑޫ މަސްވެރިން ފިޝަރީޒް ކޮމްޕްލެކްސްގައި މުޒާހަރާ ކުރަން ފެށީ މިދިޔަ މަހުގެ 21 ގަ އެވެ. އެ މުޒާހަރާ ހުއްޓާލޯ މިފްކޯ އިން އިއްޔެ މަސްވެރިންނަށް ފައިސާ ދޫކުރަން ފެށުމުންނެވެ.