އެމްޑީޕީގެ ގައުމީ މަޖިލީހަށް ކުރީގެ ޑިފެންސް މިނިސްޓަރު މާރިޔާ އަހުމަދުދީދީ އާއި މާލޭގެ މޭޔަރު އާދަމް އާޒިމް ކުރިމަތިލައްވަން ނިންމަވައިފި އެވެ.
އެމްޑީޕީގެ ޗެއާޕާސަންކަން ވެސް ކުރިން ކުރެއްވި މާރިޔާ ސޯޝަލް މީޑިއާ ޕޯސްޓެއްގައި ވިދާޅުވީ ގަލޮޅު އުތުރު ދާއިރާގެ ރައީސްކަމަށް ކުރިމަތިލާން ނިންމީ ގައުމު މިހާރު ހާލަތުން އަރައިގަނެ އެމްޑީޕީން އާ ޖީލެއް އުފެއްދުމަށް ކުރާ މަސައްކަތުގައި އޭނާގެ ތަޖުރިބާ އާއި ލަފާ ގައުމީ މަޖިލީހަށް ބޭނުންވާނެ ކަމަށް ދެކެވަޑައިގަންނަވާތީ ކަމަށެވެ.
އެމްޑީޕީ ސަރުކާރުގައި އެމްޓީސީސީގެ ސީއީއޯގެ މަގާމު އަދާކުރެއްވި އާޒިމް ވިދާޅުވީ ގައުމީ މަޖިލީހުގެ މާލޭ ދާއިރާގެ ރައީސް ކަމަށް ކުރިމަތިލައްވަނީ ބަދަހި ސަފުތަކެއް ރާވައި ހިންގުމުގެ އަޒުމާ އެކީގައި ކމަަށެވެ. އަދި ތަރުތީބު ކުރުމުގެ ގާބިލުކަން ހުރީތީވެ ހިތާ ރޫހުން ވާނެކަން ގަބޫލު ކުރެވޭތީ ކަމަށް ވެސް ވިދާޅުވި އެވެ.
"އެމްޑީޕީ ގައުމީ މަޖިލީހުގެ މާލޭ ދާއިރާގެ ރައީސްކަމަށް ތި ހުރިހާ ބޭފުޅުންގެ ބައިވެރިވުމާއިއެކު ކުރިމަތިލުމަށް ނިންމައިފިން." އާޒިމް ވިދާޅުވި އެވެ.
ގައުމީ މަޖިލީހަށް ކުރިމަތިލުމުގެ ފުރުސަތު މި މަހުގެ 7 ހަމައަށް އޮތީ ހުޅުވާލައިފަ އެވެ.