އިންޓާނަލް އިންވެސްޓިގޭޝަނާ ގުޅޭ ތަމްރީނު ޕްރޮގްރާމެއް މޯލްޑިވްސް ކަރެކްޝަނަލް ސަރވިސް (އެމްސީއެސް) އިން އެތަނުގެ މުވައްޒަފުންނަށް އަމާޒުކޮށްގެން ހިންގައިފި އެވެ.
ނެޝަނަލް ކޮލެޖް ފޯ ޕޮލިސިންގ އެންޑް ލޯ އެންފޯސްމަންޓް (އެންސީޕީއެލްއީ) އާ ގުޅިގެން "އިންޓާނަލް އިންވެސްޓިގޭޝަން ޓްރޭނިން ޕްރޮގްރާމް" ގެ ނަމުގައި ހިންގި ތަމްރީނު ކުރިއަށް ދިޔައީ މިދިޔަ މަހުން ފެށިގެން އިއްޔެގެ ނިޔަލަށެވެ.
ތިތީސް މުވައްޒަފުން ބައިވެރިވި ޕްރޮގްރާމް އިއްޔެ ނިންމާލައި ސެޓްފިކެޓް ވެސް ދީފައިވެ އެވެ.
ޕްރޮގްރާމްގެ ނިންމުމުގެ ރަސްމިއްޔާތު ޝަރަފްވެރިކޮށް ދެެއްވީ ކޮމިޝަނަ އޮފް ޕްރިޒަންސް ޙަސަން ޒަރީރެވެ.
"އިންޓާނަލް އިންވެސްޓިގޭޝަން ޓްރޭނިން ޕްރޮގްރާމް" ގެ މަގުސަދަކީ އެކިއެކި ކަންކަމާ ގުޅިގެން ކުރިއަށް ގެންދާ އެތެރޭގެ ތަހުގީގުތައް މިހާރަށް ވުރެ ހަރުދަނާކޮށް، އެކަމުގައި ހަރަކާތްތެރިވާ އޮފިސަރުންނާއި މުވައްޒަފުން އަހުލުވެރިކޮށް، ކަމަގެ އުކުޅުތައް ދަސްކޮށް ދިނުމެވެ.
އެގޮތުން ޕްތޮގްރާމްގެ ބައިވެރިންނަށް އިންޓަވިއު އެންޑް އިންޓަރަގޭޝަން ޓެކްނީކްސް، އިވޭލުއޭޓިން އެންޑް ކޮރޯބަރޭޓިން އެވިޑެންސް، ފޯމިއުލޭޓިން ދަ ރިޕޯޓް، އިލެކްޓްރޯނިކް ޑޮކިއުމަންޓް ކަލެކްޝަންސް، އެވިޑެންސް ކަލެކްޝަން އެންޑް އެވިޑެންސް ހެންޑްލިން، ވާކްޕްލޭސް އިންވެސްޓިގޭޝަން، އެން އޯވަރ ވިއު އަދި ސަރޗް އެންޑް ސީޒް އެތިކްސް ފޮ ވޯކް ފަދަ މޮޑިއުލްސްތައް ނަގައި ދީފައިވެ އެވެ.