މަސްވެރިކަމުގެ ދާއިރާ އިން ބެޗްލާސް ޑިގްރީ އަށް ރާއްޖެ އިން ބޭރުން މަތީ ތައުލީމު ހޯދަން ފިޝަރީޒް މިނިސްޓްރީން ސްކޮލަޝިޕްތަކަކަށް ހުޅުވާލައިފި އެވެ.
މިނިސްޓްރީން ބުނީ މީގެ ތެރޭގައި ހިމެނެނީ ހަ ސްކޮލަޝިޕްގެ ފުރުސަތެވެ.
މިއީ ސަރުކާރާއި ވޯލްޑް ބޭންކް ގުޅިގެން ހިންގާ "ޓްރާންސްފޯމިން ފިޝަރީޒް މެނޭޖްމަންޓް އިން ސައުތު ވެސްޓް އިންޑިއަން އޯޝަން ރީޖަން އެންޑް މޯލްޑިވްސް ޕްރޮޖެކްޓް" ގެ ދަށުން ހުޅުވައިލި ފުރުސަތުތަކެކެވެ.
ސްކޮލަޝިޕްތަކަށް އެޕްލައި ކުރުމުގެ ފުރުސަތު ހުޅުވާލާފައި ވަނީ ސެޕްޓެމްބަރު މަހުގެ 1 އާ ހަމަަށެވެ. މިކަމާ ބެހޭ އިތުރު މައުލޫމާތު މިނިސްޓްރީގެ މި ނަންބަރު 3033484 އިން ހޯދޭނެ އެވެ.
މިނިސްޓްރީން ބުނީ ސްކޮލަރޝިޕްތަކަށް ހޮވޭ ދަރިވަރުން މޯލްޑިވްސް ކޮލިފިކޭޝަން އޮތޯރިޓީ (އެމްކިއުއޭ) އިން ޤަބޫލުކުރާ ޔުނިވަސިޓީއަކުން އެކްސެޕްޓަންސް ހޯދުމަށް ބޭނުންވާ ލިޔުމެއް މިނިސްޓްރީން ފޯރުކޮށް ދޭނެ ކަމަށެވެ.