ހުޅުމާލޭގައި މިއަދު ހިނގި ނުރައްކާތެރި އެކްސިޑެންޓަކާ ގުޅިގެން ޒުވާނަކަށް ފަރުވާ ދޭން ފަށައިފި އެވެ.
މިއަދު ހެނދުނު 8:00 އެހާއިރު އެ އެކްސިޑެންޓް ހިންގީ ފޭސް ދޭއްގަ އެވެ. މި ހާދިސާގައި އަނިޔާވި 19 އަހަރުގެ ޒުވާނާ ވަރަށް ބޮޑަށް ޒަހަމްވެފައިވެ އެވެ. އަދި އޭނަ އަށް ހުޅުމާލޭ ހޮސްޕިޓަލްގައި ފަރުވާ ދެމުން އަންނަ އިރު، ހާލު ސީރިއަސް ކަމަށް ހޮސްޕިޓަލާ ހަވާލާދީ ފުލުހުން ބުންޏެވެ.
މި އެކްސިޑެންޓު ހިނގީ ބާރު ސްޕީޑުގައި އޭނަ ދުއްވި ސައިކަލު ކާރެއްގައި ޖެހި، ކޮންޓްރޯލުން ނައްޓައިގެން ގޮސް އިތުރު ކާރެއްގައި ޖެހިގެންނެވެ.
ފުލުހުން އަންނަނީ ހާދިސާ އިތުރަށް ތަހުގީގު ކުރަމުންނެވެ.