ހުކުރު ދުވަހު ސިނަމާތަކަށް ގެންނަން ހަމަޖެހިފައިވާ ބޮލީވުޑްގެ އެކްޝަން ތުރިލާ "ކިލް" ގެ ރިމޭކެއް ހޮލީވުޑުން ހަދަން ނިންމައިފި އެވެ.
ކަރަން ޖޯހަރްގެ ދަރުމާ ޕްރޮޑަކްޝަނާއި ގުނީތު މޮންގާގެ ސިކިއާ އެންޓައިންމަންޓް ގުޅިިގެން ހަދާފައިވާ މި ފިލްމު ސިނަމާތަކުގައި ރަސްމީކޮށް ރިލީޒް ވެސް ނުވަނީސްގެ އޭގެ ރިމޭކިން ރައިޓްސް ހޯދާފައި ވަނީ "ޖޯން ވިކް" ފިލްމު ސީރީޒްގެ ޑައިރެކްޓަރު ޗާޑް ސްޓެހެލްސްކީގެެ 87އިލެވެން އެންޓަޓައިންމަޓުންނެވެ.
"ކިލް" ގެ ހޮލީވުޑް ރިމޭކް ހަދަން ނިންމާފައި އެ ސްޓޫޑިއޯ އާއި މަޝްހޫރު ސްޓޫޑިއޯ، ލަޔަންސްގޭޓާ ގުޅިގެންނެވެ.
މި ވާހަކަ ޑެޑްލައިނިން ގެނެސްދިން ޚަބަރުގެ ސްކްރީން ޝޮޓަކާ އެކީ ކަރަން އިންސްޓަގްރާމް ސްޓޯރީ ޕޯސްޓެއްގައި "އުފާވެއްޖެ" ކަމަށް ބުނެފައިވެ އެވެ.
މިކަމާ ގުޅޭ ގޮތުން ޗާޑް ބުނީ "ކިލް" އަކީ މި ފަހުން އޭނަ ބެލި އެންމެ ވަރުގަދަ އެކްޝަން ފިލްމު ކަމަށެވެ. އަދި އޭގެ ޓީމުން ކޮށްފައި އޮތީ ތައުރީފާއި ހައްގު ސާބަސް މަސައްކަތެއް ކަމަށެވެ. އޭނަ އެ ފިލްމި ބެލީ މިދިޔަ އަހަރުގެ ޓޮރޮންޓޯ އިންޓަނޭޝަނަލް ފިލްމު ފެސްޓިވަލް (ޓީއައިއެފްއެފް) ޕްރީމިއާގަ އެވެ.
"އަހަރެން ބުނީ އިންޑިއާގެ ވަރަށް ކްރިއޭޓިވް މަސައްކަތަކޭ ކިލް އަކީ. ވަރަށް ވެސް ޝައުގުވެރި، މޮޅު އަދި ފުރިހަމަ ފިލްމެއް އެއީ." ޗާޑް ބުންޏެވެ.
އިންޑިއާގެ އެންމެ އަނިޔާވެރި އެކްޝަން ފިލްމުގެ ގޮތުގައި ޕްރޮމޯޓް ކުރަމުން އަންނަ "ކިލް" ޑައިރެކްޓްކުރީ ނިކިލް ނާގޭޝް ބަޓެވެ. ފިލްމުގެ ލީޑް ތަރި އަކީ އަލަށް ތައާރަފުކުރާ ލަކްޝް ލަލްވާނީ އެވެ.
"ކިލް" ގެ މައިގަނޑު ޕްލޮޓް އެނބުރެނީ ރޭގަނޑެއްގައި ކުރާ ރޭލު ދަތުރެއްގެ ތެރޭގައި ހިނގާ ވަރުގަދަ ތަޅާފޮޅުންގަނޑަކަށެވެ.