ހުޅުމާލޭ ދެވަނަ ފިޔަވަހީގައި މިކްސްޑް ޔޫޒް 10 ޓަވަރު އަޅަން ހައުސިން ޑިވެލޮޕްމަންޓް ކޯޕަރޭޝަން އެޗްޑީސީ) އިން ބިން ކުއްޔަށް ދޭން އިއުލާންކޮށްފި އެވެ.
އެ ކުންފުނިން ބުނީ އެންމެ ބޮޑު އަގެއް ހުށަހަޅާ ފަރާތަކަށް 112،288.14 އަކަފޫޓުގެ ބިން ވިއްކަން ނިންމާފައިވާ ކަމަށެވެ.
އެޗްޑީސީން ބުނީ ހުޅުމާލޭ ފޭސް ދެވަނަ ފިޔަވަހިން ކުއްޔަށް ދޭ 10 ބިމުގައި ހަދަން ޖެހޭނީ މީހުން ދިރިއުޅޭ ފްލެޓް އިމާރާތްތަކުގެ އިތުރުން ވިޔަފާރި ކުރާ ތަންތަން އަދި ޕާކިން އިމާރާތްތަކެވެ. އަދި އެ ބިންތައް ތަރައްގީ ކުރުމަކީ ބިންތައް ކުއްޔަށް ނަގާ ފަރާތްތަކުގެ ޒިންމާއެއް ކަމަށް ވެސް ބުންޏެވެ.
ޓަވަރުތައް އިމާރާތް ކުރުމަށް ޝައުގުވެރިކަން ފާޅުކޮށް އެކްސްޕްރެޝަން އޮފް އިންޓަރެސްޓް އީއޯއައި) ހުށަހަޅާ ފަރާތްތަކުގެ ތެރެއިން މަސައްކަތް ހަވާލު ކުރާނެ ފަރާތެއް ކަނޑައެޅުމުގައި އިސްކަން ދޭނީ އަކަފޫޓަކަށް ހުށަހަޅާ އަގާއި ފައިސާ ދައްކަން ހުށަހަޅާ ގޮތެއްގެ އިތުރުން ހުށަހެޅުން ހުށަހަޅާ ފަރާތުގެ މާލީ ގާބިލުކަމަށް ކަމަށެެވެ.
މިކްސްޑް ޔޫސް ޓަވަރުތައް އަޅަން ކަނޑައަޅައިފައި ވަނީ 14، 15 ބުރި އަދި 20 ބުރިއަށެވެ.