ރައްޔިތުންގެ ޝަކުވާތަކާއި ރައްޔިތުން ހުށަހަޅަން ބޭނުންވާތައް މައްސަލަތައް ކައުންސިލަށް ހުށަހަޅަން ފުވައްމުލަކު ސިޓީ ކައުންސިލުން "އަފުންސިޓީ" ގެ ނަމުގައި އޮންލައިން ޕޯޓަލްއެއް ތައާރަފުކޮށްފި އެވެެ.
އެ ކައުންސިލުން ބުނީ މިއީ ވީހާ ވެސް ފަސޭހަކޮށް އަދި އަވަސްކޮށް ރައްޔިތުންގެ ކަންބޮޑުވުންތަކާއި ޝަކުވާތައް ހުށަހަޅަން މަގުފަހިކޮށް ދިނުމުގެ ގޮތުން ލޯންޗްކުރި ޕޯޓަލްއެއް ކަމަށެވެ. "އަފުންސިޓީ" ޕޯޓަލް ފަރުމާކޮށްފައި ވަނީ ވީހާ ވެސް ފަސޭހަކޮށް ބޭނުން ކުރެވޭ ގޮތަށެވެ.
ކައުންސިލުން ބުނީ މި ޕޯޓަލްގެ ސަބަބުން ރައްޔިތުންނަށް ބޮޑު ލުއެއް ލިބި، ރައްޔިތުންނާއި ކައުންސިލާ ދެމެދު ކުރެވޭ މުއާމަލާތްތަކަށް ވަރަށް ބޮޑު ފަސޭހައެއް ލިބިގެން ދާނެ ކަމަށެވެ.
"އަފުންޕޯޓަލް" މެދުވެރިކޮށް އެކި ދާއިރާތަކުން ރައްޔިތުންގެ މެދުގައި ހުރި ކަންބޮޑުވުންތަކާއި ޝަކުވާތައް ހުށަހެޅޭނެ އެވެ. ކައުންސިލުން ބުނީ ޕޯޓަލް އަށް އީފާސް މެދުވެރިކޮށް ލޮގިންވެވޭނެ ކަމަށެވެ.