ރާއްޖޭގެ ފިލްމީ ފަންނާނުންތަކާ އެކީ އަނެއްކާ ވެސް "ތަރިން ރޭ" ގެ ރޭ ޝޯތަކެއް މާލޭގައި ބާއްވަން ނިންމައިފި އެވެ.
މި ފަހަރު ޝޯތައް ބާއްވަނީ މި މަހު ފާހަގަކުރާ މިނިވަން ދުވަހާ ގުޅުވައިގެން މި މަހުގެ 25 އާއި 26 ގަ އެވެ. "ތަރިންގެ ރޭ" އަކީ މަޝްހޫރު ޑައިރެކްޓަރު/ޕްރޮޑިއުސަރު ފާތުމަތު ނަހުލާ އާއި ބައެއް ތަރިން ގުޅިގެން އިންތިޒާމުކުރާ އިވެންޓެކެވެ.
މި ފަހަރުގެ ޝޯތަކުން ވެސް މަޝްހޫރު ގިނަ ތަރިންތަކެއް ފެންނާނެ އެވެ.
"ތަރިިންގެ ރޭ" ސްޕޮންސަ ކުރުމުގެ ފުރުސަތު ވެސް ހުޅުވާލާފައިވާ އިރު، ޝޯގެ ޓިިކެޓް ވިއްކަނީ 200ރ. އާއި 300ރ. އަށެވެ. މި ނަމްބަރުން 7420021 ޓިކެޓް ބުކް ކުރެވޭނެ އެވެ. އަދި ޝޯއާ ބެހޭ އިތުރު މައުލޫމާތާއި ސްޕޮންސަ ކުރަން ބޭނުންވާ ފަރާތްތަކަށް މި ނަމްބަރުތަކުން 7734533، 7782484 މައުލޫމާތު ލިބޭނެ އެވެ.