ތޫނު ހަތިޔާރު ބޭނުންކޮށްގެން މާރާމާރީ ހިންގި ބަޔަކު ހައްޔަރުކޮށް، ބަންދަށް މުއްދަތު ޖަހައިފި އެވެ.
ކްރިމިނަލް ކޯޓުން ބަންދަށް ފަސް ދުވަސް ޖެހި ތިން މީހުންނަކީ 18 އަހަރާއި 21 އަހަރިގެ އިތުރުން 23 އަހަރުގެ ދިވެހި ފިރިހެނެކެވެ. ފުލުހުން އެ މީހުންގެ މައްޗަށް ކޮށްފައިވާ ތުހުމަތުތަކުގެ ތެރޭގައި މީހުން ހިފެހެއްޓުމާއި ޖެހުން ހިމެނެ އެވެ. އަދި އެ ތުހުމަތުތައް ސާބިތުކުރެވޭ ވަރަށް ސީސީޓީވީ ފުޓޭޖާއި އަނިޔާ ލިބުނު މީހުންގެ ބަޔާން ކޯޓަށް ހުށަހަޅާފައިވާ ކަަމަށް ވެސް ބަންދު އަމުރުގައިވެ އެވެެ.
އެ މީހުން ބަންދު ކުރަން ނިންމީ އެ ކަންކަމަށް ރިއާޔަތްކޮށް، މުޖުތަމައުގެ ސަލާމަތާއި ރައްކަލަކަށެވެ.