އިންޑިއާގެ ފިލްމީ ތަރިން ކަމަށްވާ ޕްރަބާސް އާއި ޑިޝާ ޕަޓާނީ ރައްޓެހިވެގެން އުޅޭކަމުގެ ވާހަކަތަކެއް ދެކެވެން ފަށައިފި އެވެ.
މި ވާހަކަ މިހާރު ވަރަށް ހޫނުކޮށް މީޑިއާތަކުގައި އަންނަނީ ދެކެވެމުންނެވެ. ދެ ތަރިންގެ މެދުގައި ލޯބީގެ ގުޅުމެއް އޮތްކަމުގެ ވާހަކަ އެންމެ ބޮޑަށް ދެކެވެން ފެށީ މީގެ ދެތިން ދުވަހެއް ކުރިން ޑިޝާގެ އަތުން ފެނުނު އާ ޓެޓޫއަކާ ހެދި އެވެ. އޭނަގެ ވާތުގައި ކެޕިޓަލްކޮށް "ޕީޑީ" ޖަހާފައިވެ އެވެ.
އެ ދެ އަކުރަށް ބަލާ އިރު، ދެ އަކުރަކީ ވެސް ޑިޝާގެ ނަމުގެ ފެށޭ އަކުރުތަކެވެ. އެކަމަކު ދެ އަހަރުގެ ތަރުތީބު އިން ގޮތުން މީޑިއާތަކުން ޓެޓޫ ސިފަކުރަނީ ލޯބީގެ އާ ގުޅުމަކާ އެވެ. އެގޮތުން "ޕީ" އަކީ ޕްރަބާސް ކަމަށާއި "ޑީ" އަކީ ޑިޝާ ކަމަށް މީޑިއާތަކުން ބުނެ އެވެ.
ފާހަގަކޮށްލެވޭ ކަމަކީ މިހާރު ބޮކްސް އޮފީހުގައި ރަސްކަން ކުރަމުން އަންނަ ފިލްމު "ކަލްކީ: 2898 އޭޑީ" އަކީ ދެ ތަރިން އެކީގައި ވެސް ކުޅެފައިވާ ފިލްމެއްކަމެވެ.
"ބާހްބަލީ" ގެ ކުޅެގެން ބޮޑު މަޝްހޫރުކަމެއް ހޯދި ތެލެގޫ އެކްޓަރު ކުރިން އެ ފިލްމުގެ ބަތަލާ އަނުޝްކާ ޝެޓީގެ އިތުރުން ބޮލީވުޑްގެ ބަތަލާ ކްރިތީ ސެނަންއާ ރައްޓެހިވިކަމުގެ އަޑުތަކެއް އަރާފައިވެ އެވެ. އަދި އެ ތަރިންނާ ގުޅުވައި ޕްރަބާސްގެ ކައިވެނީގެ ވާހަކަ ވެސް ވަރަށް ބޮޑަށް ދެކެވިފައިވެ އެވެ.
ޑިޝާ އެންމެ ފަހުން ރައްޓެހިގެން އުޅުނީ އެކްޓަރު ޓައިގާ ޝްރޮފެވެ. އެ ދެ މީހުން ރުޅިވީ 2022 ގަ އެވެ.