ދިވެހި ހައްޖާޖީންގެ ފަހު ގްރޫޕް މިއަދު ރާއްޖެ އަތުވެއްޖެ އެވެ.
ހައްޖާޖީންގެ ފަހު ގްރޫޕް އައީ މިއަދު އައި އިރު، އެ ގްރޫޕްގައި 137 ހައްޖާޖީން ހިމެނެ އެވެ. ހައްޖު ކޯޕަރޭޝަނުން ބުނީ ބަލި ހާލަތު ހުރި ގޮތުން ދެ ހައްޖާޖީއަކަށް ފަރުވާދޭތީ ސައުދީގައި އަދި އެބަތިބި ކަމަށެވެ.
ރާއްޖެ އިން މި އަހަރު 1،150 މީހުން ހައްޖަށް ދިޔަ އެވެ. މީގެ ތެރެއން އެކަކު ސައުދީގައި ވަނީ ނިޔާވެފަ އެވެ.
ހައްޖުގެ އަޅުކަމަށް ފަހު ފުރަތަމަ ގްރޫޕް އެނބުރި ރާއްޖެ އައީ މިދިޔަ މަހުގެ 24 ގަ އެވެ. ދެވަނަ ގްރޫޕް މިދިޔަ މަހުގެ 28 ގައި އައި އިރު، ތިން ވަނަ ގްރޫޕް އައީ މި މަހުގެ 1 ގަ އެވެ.
މި އަހަރު އެންމެން ވެސް ހައްޖަށް ދިޔައީ ހައްޖު ކޯޕަރޭޝަންގެ ހަވާލުގަ އެވެ.